Federata e Basketbollit e Kosovës (FBK) vazhdon me sukses zbatimin e kampanjës evropiane “Her World, Her Rules” (HWHR), me qëllim të promovimit dhe fuqizimit të vajzave dhe grave në basketboll, shkruan Katror.info.
Aktiviteti më i fundit u zhvillua në Shkollën Fillore të Mesme të Ulët “Fazli Grajçevci” në Mitrovicë, ku morën pjesë mbi 150 vajza të kësaj shkolle.
Në këtë stërvitje argëtuese, pjesëmarrëset patën mundësinë të mësojnë për rëndësinë e përfshirjes në sport dhe të zhvillojnë aftësitë e tyre në basketboll. Ngjarja u organizua nga FBK dhe u mbështet nga figura të njohura të basketbollit kosovar, përfshirë basketbollisten Malvina Haziri dhe trajnerët Egzon Uka, Artina Hasani, Arta Mustafa dhe Mert Zekerija.
Mundesh me e lexu edhe…
Menaxherja e Projekteve në FBK, Edita Medunjanin, theksoi rëndësinë e përfshirjes së vajzave në sport:
Vajzat të merren me basketboll dhe një ditë të jenë pjesë e rëndësishme e sportit tonë të zemrës.
Kampanja “Her World, Her Rules” është një iniciativë e udhëhequr nga FIBA Europe, e cila synon të promovojë basketbollin e femrave dhe vajzave nëpër Evropë përmes aktiviteteve të ndryshme që realizohen në partneritet me federatat nacionale.
FBK është pjesë e projektit FIBA Europe Girls’ Program tash e shtatë vjet dhe është duke e implementuar me mjaft sukses këtë projekt.
Ky aktivitet në Mitrovicë është një hap tjetër i rëndësishëm drejt krijimit të një ambienti më gjithëpërfshirës dhe mbështetës për vajzat në sport, duke rritur ndërgjegjësimin për rëndësinë e përfshirjes së vajzave në basketboll dhe duke promovuar barazinë gjinore në sport. /Katror.info
Përgatiti:
