Muajin nëntor, vetëm 10 ditë para fillimit të Kupës së Botës në Katar, Kombëtarja Shqiptare e Futbollit do ta luaj një ndjeshje miqësore me nikoqirin e Kupës së Botës, Katarin.
Departamenti i Komunikimit në Federatën Shqiptare të Futbollit, FSHF bën të ditur se Kombëtarja Shqiptare do të përballet me Katarin në ndeshjen që pritet të luhet më 9 nëntor në Marbella të Spanjës e që do të nisë në ora 18:30.
Të dyja federatat arritën marrëveshjen për këtë miqësore dhe kanë zyrtarizuar akordin për atë që do të jetë përballja e tretë në histori mes dy vendeve. Dueli i parë mes Shqipërisë dhe Katarit është luajtur në maj të vitit 2012 dhe miqësorja e luajtur në Madrid përfundoi me fitoren 2-1 të kuqezinjve, me gola të shënuar nga Elis Bakaj dhe Erion Bogdani.
Mundesh me e lexu edhe…
Sfida e dytë ka qenë ajo e luajtur më 22 maj 2016 në Austri, një nga testet e fundit para pjesëmarrjes së Shqipërisë në finalet e Euro “Francë 2016”. Miqësorja u mbyll me fitoren 3-1 të përfaqësueses shqiptare, me gola të realizuar nga Arlind Ajeti, Ermir Lenjani e Armando Sadiku.
- Advertisement -
Pjesa më e madhe e lojtarëve që do të grumbullohen për këtë ndeshje do të jenë nga kampionati shqiptar, ashtu siç ndodhi në miqësoren me Arabinë Saudite. Ky test do të jetë një mundësi shumë e mirë për të testuar e për të parë në aksion elementët e spikatur të kampionatit shqiptar./Katror.info
Përgatiti:
Reita Demi
- Advertisement -
