Gati një e katërta e kompanive japoneze kanë adoptuar Inteligjencën Artificiale (Al) në bizneset e tyre, ndërsa më shumë se 40 për qind e tyre nuk kanë plan të përdorin teknologjinë më të fundit.
Sondazhi, i kryer nga Nikkei Research, shtroi një sërë pyetjesh për 506 kompani gjatë 3-12 korrikut, me rreth 250 prej tyre që u përgjigjën, në kushte anonimiteti.
Bëhet e ditur se rreth 24 për qind e të anketuarve thanë se kanë integruar tashmë AI në bizneset e tyre dhe 35 për qind po planifikojnë ta bëjnë këtë, ndërsa 41 për qind e mbetur nuk kanë plane të tilla.
Mundesh me e lexu edhe…
Gjithashtu, 60 për qind e të anketuarve thanë se po përpiqen të përballojnë mungesën e punëtorëve, ndërsa 53 për qind synojnë të ulin kostot e punës dhe 36 për qind përmendën përshpejtimin në kërkim dhe zhvillim.
Pengesat e tjera përfshijnë mungesën e ekspertizës teknologjike, shpenzime të konsiderueshme kapitale dhe shqetësim për besueshmërinë, tregoi sondazhi, shkruan Reuters, përcjell Telegrafi.
Sondazhi edhe se 15 për qind e të anketuarve kanë përjetuar sulme kibernetike gjatë vitit të kaluar dhe 9 për qind kishin partnerë biznesi që pësuan sulme kibernetike gjatë së njëjtës periudhë.
Të pyetur për dëmet, 23 për qind e atyre që pësuan vetë sulme kibernetike ose kishin partnerë biznesi që ishin objektiva thanë se biznesi ishte ndërprerë përkohësisht dhe 4 për qind thanë se pësuan rrjedhje informacioni.
Në lidhje me hapat për të rritur sigurinë kibernetike, 47 për qind e të anketuarve thanë se po kontraktonin mbrojtjen, ndërsa 38 për qind thanë se kishin specialistë të brendshëm.
Ndryshe, sondazhi tregoi se gjysma e kompanive mbështesin ndryshimin e një ligji që përcakton se bashkëshortët duhet të përdorin të njëjtin mbiemër.
Në sondazh, 50 për qind e të anketuarve thanë se mbështesin një ndryshim të tillë legjislativ krahasuar me 11 për qind që kundërshtuan.
“Sistemi aktual po dëmton dinjitetin dhe lirinë e individëve dhe veçanërisht të grave”, shkroi një menaxher i një kompanie.
Në kundërshtim, një menaxher tjetër tha se lejimi i mbiemrave të veçantë mund të “dobësojë lidhjet familjare”.
Të pyetur se si një ndryshim në ligj do të ndikonte në biznesin e tyre, 14 për qind e të anketuarve thanë se morali i punonjësve do të rritej dhe 10 për qind thanë se do të ndihmonte aktivitetin e punësimit, ndërsa 56 për qind thanë se nuk presin asnjë ndikim. /Katror.info
Përgatiti:
