Meta njoftoi të martën një përditësim të ri të algoritmit të Facebook, i cili synon të shfaqë më shumë video Reels të përshtatura sipas preferencave të përdoruesve.
Përditësimi sjell veçori të reja që ofrojnë përdoruesve kontroll më të madh mbi përmbajtjen që shohin.
Facebook tani do të lejojë përdoruesit të shprehin mungesën e interesit për videot që nuk u pëlqejnë, duke zgjedhur opsionin “nuk jam i interesuar”.
Mundesh me e lexu edhe…
Funksioni “Ruaj” është përditësuar gjithashtu, duke e bërë më të thjeshtë mbledhjen e Reels dhe postimeve të preferuara në një vend.
Sipas kompanisë, ndryshimet synojnë adresimin e ankesave për përmbajtje mashtruese, bezdisëse ose të prodhuara nga AI me cilësi të ulët.
Përveç kësaj, algoritmi do t’u paraqesë përdoruesve 50% më shumë Reels të ngarkuara në të njëjtën ditë që ata po shfletojnë.
Meta ka investuar gjithashtu në AI, duke publikuar burimin e ri të video-ve të shkurtëra “Vibes”, i cili përmban vetëm përmbajtje të gjeneruar nga AI. /AP/Katror.info
