Një miliarder misterioz po kërkon banorë për parajsën e ishullit të tij në Karaibe.
Mediat e huaja kanë publikuar një shpallje pune të postuar në faqen e internetit të agjencisë së rekrutimit Fairfax dhe Kensington, ku një biznesmen i ofron 160 mijë paund në vit një çifti për të jetuar dhe mirëmbajtur ishullin e tij privat në Karaibe. Detyra e tyre, ndërsa jetojnë atje, është të promovojnë transformimin e ishullit nga një kantier ndërtimi në një parajsë luksoze në rrjetet sociale.
Influencuesit që do të përzgjidhen për këtë punë do të shkonin në ishullin sekret në janar dhe do të ndanin përvojën e tyre të jetesës atje në rrjetet sociale. Si ishulli ashtu edhe emri i pronarit mbahen rreptësisht sekret.
Mundesh me e lexu edhe…
Çfarë kërkohet nga çifti që do të shkojë në ishull?
Kandidatët e përsosur janë ata me përvojë të gjerë në mikpritjen luksoze. Përveç postimeve në rrjetet sociale, detyra e tyre është të monitorojnë dhe menaxhojnë funksionimin e objekteve dhe ngjarjeve në ishull deri në përfundimin e projektit.
George Ralph Dunn i agjencisë së rekrutimit Fairfax dhe Kensington thotë se ata synojnë të tërheqin kandidatë nga jashtë rrjetit të kompanisë së tyre, sepse, thotë ai, punonjësit e mikpritjes në përgjithësi nuk kanë aftësitë ose platformat për të ndikuar në një numër të madh njerëzish.
Ai pretendon se puna prej 160,000 funte i jep çiftit mundësinë për ta “bërë ishullin të tyren” dhe bëri shaka se do të aplikonte nëse puna e tij nuk ishte të gjente kandidatët idealë, raporton Daily Mail.
“Kjo është një mundësi e vërtetë për influencuesit. Ata do të paketonin jetën e tyre dhe do të lëviznin. Ju keni Richard Branson dhe Larry Page në ishujt që e rrethojnë, kështu që zona është zakonisht një shesh lojrash për miliarderët. Pronari dëshiron të nxjerrë në pah bukurinë e vendit dhe kjo është një pjesë kryesore e ëtij biznesi. Ata do të duhej ta regjistronin atë dhe më pas të vendosnin vulën e tyre sesi duket dhe funksionon e gjitha,” vëren Dan.
Çifti që merr vendin e punës duhet të tregojë sesi ishulli është transformuar që nga dita e parë, kur gjithçka ishte në thelb një punishte, deri në fazën përfundimtare, kur gjithçka është gati për të ftuarit. Puna, thotë ai, i përshtatet kujtdo që është aventurier. Ishulli tashmë ka një menaxher të përgjithshëm dhe inxhinierë të ngarkuar për ndërtimin e objekteve të tij. /Katror.info
Përgatiti:
