Ministria e Industrisë, Ndërmarrësisë dhe Tregtisë (MINT) ka intensifikuar mbikëqyrjen në sektorin e derivateve të naftës, përmes Inspektoratit Qendror të Mbikëqyrjes së Tregut, me qëllim të mbrojtjes së konsumatorit dhe rritjes së transparencës në treg, shkruan Katror.info.
Në kuadër të këtij angazhimi, Inspektorati ka ndërmarrë inspektime të shtuara në terren gjatë gjithë javës, përfshirë edhe ditën e sotme, me katër ekipe që po veprojnë në të gjithë vendin. Këto inspektime synojnë të ndihmojnë në mbrojtjen e konkurrencës së ndershme dhe në parandalimin e çrregullimeve të mundshme në tregun e naftës.
MINT njofton se sot do të publikohet raporti përfundimtar i inspektimeve, i cili do të përmbledhë gjetjet dhe masat e marra ndaj operatorëve ekonomik që ushtrojnë veprimtari në tregtimin e derivateve të naftës.
Mundesh me e lexu edhe...
Ministria fton qytetarët që të raportojnë çdo parregullsi apo mashtrim të mundshëm përmes kanaleve zyrtare të komunikimit:
📞 Numri pa pagesë: 0800 11000
📧 Email: [email protected].
MINT siguron qytetarët se do të vazhdojë të veprojë në mbrojtje të interesit publik dhe funksionimit të drejtë të tregut./Katror.info
