Inxhinierja shqiptare Mira Murati së fundmi u emërua Shefe Ekzekutive (CEO) e përkohshme në kompaninë OpenAI, pas shkarkimit të Sam Altman nga kjo pozitë.
Por, punonjësit e kompanisë për inteligjencë artificiale, OpenAI, kanë nisur një përkrahje për ish-shefin Sam Altman, që ditë më parë u shkarkua nga bordi. Punonjësit, përfshirë edhe Mira Muratin që u zgjodh ushtruese e detyrës së drejtoreshës, publikuan thirrjen se “OpenAI s’është asgjë pa njerëzit e saj”. Ai shpërndau reagimin e ish-kolegëve në rrjetin social X.
“OpenAI nuk është asgjë pa njerëzit e tij”, ka shkruar ajo, pa dhënë shumë sqarime mbi qëllimin e postimit.
Mundesh me e lexu edhe…
OpenAI is nothing without its people
— Mira Murati (@miramurati) November 20, 2023Sam Altman, ish-shefi i kompanisë, u shkarkua ditë më parë pasi bordi i OpenAI tha se ka humbur besimin në të.
Murati u bë kryetemë në mediet botërore pas lansimit të platformës ChatGPT, nga kompania OpenAI ku mbante deri dje pozitën e Shefes së Teknologjisë.
Si shefe e teknologjisë në OpenAI ajo udhëhoqi punën për platformat sikurse ChatGPT, DALL-E, OpenAI API dhe projekte të tjera.
Rrugëtimi i saj filloi si një nxënëse e shkëlqyer në Shqipëri, ku fitoi një bursë për një shkollë të mesme ekskluzive ndërkombëtare në Kanada për dy vjetët e saj të fundit.
Pas kësaj ajo u certifikua me një diplomë inxhinierie në Universitetin Dartmouth një kolegj Ivy League. Projekti i saj i fundit ishte ndërtimi i një makine garash hibride.
Murati ishte për pak kohë një inxhiniere në një kompani të hapësirës ajrore pak kohë përpara se të bashkohej me prodhuesin e njohur të makinave Tesla.
Në kompaninë Tesla, ajo ishte për tre vjet Menaxhere e Lartë e Produkteve për prodhimin e Model X.
Në atë pozitë, ajo punoi gjerësisht në sistemin Autopilot, gjë që e bëri atë të interesohej më shumë për teknologjinë e Inteligjencës Artificiale. /Katror.info
Përgatiti:
