Një nga figurat më të njohura të botës së inteligjencës artificiale, Mira Murati – ish-drejtoresha e OpenAI – ka zbuluar produktin e parë të startup-it të saj Thinking Machines Lab.
Ky produkt quhet Tinker – një mjet i ri që automatizon procesin kompleks të krijimit të modeleve të fuqishme të inteligjencës artificiale (AI), duke e bërë të mundur për kushdo që të ndërtojë dhe përshtatë modele të avancuara, pa pasur nevojë për superkompjutera apo ekipe të mëdha teknike.
“Tinker do ta bëjë shumë më të lehtë për studiuesit, zhvilluesit dhe krijuesit e zakonshëm të punojnë me modelet më të avancuara në botë”, tha Murati në një intervistë për WIRED.
Mundesh me e lexu edhe…
Mjeti i ri u lejon përdoruesve të personalizojnë modele ekzistuese si LLaMA (nga Meta) dhe Qwen (nga Alibaba), për t’i trajnuar që të zgjidhin detyra specifike – si ndihmë ligjore, shkrim kodi, përkthim, ose madje edhe analiza mjekësore.
Startup-i ka tërhequr tashmë 2 miliardë dollarë investime, dhe vlen 12 miliardë dollarë – pa pasur asnjë produkt deri tani. Kjo tregon besimin e madh që ka industria tek ekipi i Muratit, i cili përfshin edhe bashkëthemelues të OpenAI dhe ekspertë të nivelit më të lartë në botë.
Në një kohë kur kompanitë më të mëdha të AI po mbyllin aksesin në teknologjitë e tyre, Thinking Machines po shkon në drejtimin e kundërt – duke hapur fuqinë e AI për të gjithë.
“Pres me emocion të shoh se çfarë do ndërtojnë njerëzit”, shkruan Murati në profilin e saj në median sociale “X”./Telegrafi/Katror.info
