Marrja e ilaçeve kundër depresionit me kafe mund të ketë efekt të kundërt. Kafeja mund të rrisë sheqerin në gjak te disa individë, gjë që ka të ngjarë të shtypë efektet e barnave antidiabetike. Diabetikët që pëlqejnë të pinë kafe duhet të monitorojnë me kujdes sheqerin në gjak, paralajmëron portali MDlinx. Marrja e ilaçeve kundër depresionit me kafe mund të krijojë efektin e kundërt.
“Kafja mund të ndërveprojë me përbërës të caktuar në ilaçe kundër depresionit dhe në të njëjtën kohë të zvogëlojë përthithjen e ilaçit, kështu që pacienti nuk do të merrte dozën e plotë të përshkruar”-paralajmëron farmacistja Wendy Jones.
Vitaminat nuk do të jenë të dobishme nëse përbërësit e tyre kalojnë shumë shpejt përmes sistemit tuaj të tretjes. “Kafja është diuretik dhe mund të çojë në humbjen e vitaminave të tretshme në ujë si vitamina B dhe vitamina C kur merren së bashku”-paralajmëron Jones. Kafeja mund të kufizojë ose zvogëlojë përthithjen e hekurit dhe kalciumit. Kafeina është një stimulues që mund të rrisë lëvizshmërinë e zorrëve, kontraktimet e muskujve që lëvizin ushqimin përmes traktit tretës.
Mundesh me e lexu edhe…
Kafeina gjithashtu ka një efekt të butë laksativ dhe rrit sasinë e lëngjeve në jashtëqitje. Për shkak të gjithë kësaj, është e mundur që ilaçi të lëvizë shumë shpejt nëpër zorrë dhe të jetë më i vështirë për t’u përthithur dhe kështu të ketë një efekt më të dobët. Kur kjo ndodh, hormonet e tiroides mund të ndërpriten, gjë që mund të ketë pasoja të shumta shëndetësore, shkruan Top Albania Radio.
Ndërkaq, njerëzit që vuajnë nga tensioni i lartë i gjakut duhet të tregojnë kujdes me kafenë sepse ajo mund të rrisë rrezikun e atakut në zemër. Për të arritur në këtë konkluzion, një studim italian analizoi të dhënat e 1,200 personave nga mosha 18 deri në 45 vjeç. Ekspertët përmblodhën dhe analizuan të dhënat mjekësore në një hark kohor prej 12 vitesh.
Pjesëmarrësit në studim kishin një tension sistolik të gjakut që varionte nga 40 deri në 159 mm/Hg dhe një tension diastolik që varionte nga 90 deri në 99 mm/Hg. Gjetjet e studimit italian mbi lidhjen mes kafesë, tensionit të lartë dhe atakut në zemër. Në harkun kohor të 12 viteve, ekspertët vunë re rreth 60 raste problemesh shëndetësore me qarkullimin dhe zemrën./Katror.info
Përgatiti:
