Largimi nga shtëpia për të nisur jetën më vete, konsiderohet si një shtyllë kryesore e moshës madhore në shumë vende. Është shenja në të cilën shoqëritë e konsiderojnë një person të përshtatshëm dhe të aftë për të ndërtuar trajektoren e jetës së tij.
Megjithatë, jo të gjitha kulturat dhe strukturat familjare janë të njëjta. Dhe ndonjëherë ekonomitë mund të ndikojnë në aftësinë për të jetuar më vete.
Platforma Visual Capitalist ka renditur vendet e Bashkimit Europian, sipas moshës mesatare, në të cilën njerëzit largohen nga shtëpitë e tyre prindërore, sipas të dhënave të Eurostat, deri në vitin 2023.
Mundesh me e lexu edhe…
Burimi: Visual Capitalist
Kur largohen europianët nga ‘foleja’?
Të rinjtë në vendet e Ballkanit dhe Europës Jugore në tërësi, largohen nga shtëpia prindërore pak më vonë në jetë.
Mosha mesatare për të lëvizur jashtë në shtatë vende – të gjitha nga rajoni – është 30 vjeç e lart.
Faktorët kulturorë (lidhjet e forta familjare) dhe presionet ekonomike (qiratë e larta krahasuar me pagat më të ulëta lokale), kombinohen për të ndikuar në rritjen e moshës së largimit në rajon.
Një korrelacion tjetër interesant është se si të njëjtat vende, priren të kenë norma më të larta të pronësisë së banesave (Rumania, Sllovakia dhe Kroacia, të gjitha mbi 90%), që tregon se marrja me qira nuk është një zgjedhje popullore për banorët.
Familjet me shumë breza janë gjithashtu më të zakonshme në të gjithë rajonin, një mbetje nga një shoqëri më e orientuar nga bujqësia, ndikimi i fortë i kishës si dhe shtet dhe institucione të mirëqenies sociale më të dobëta.
Nga ana tjetër, në vendet nordike, Finlandë, Suedi dhe Danimarkë, mosha mesatare e largimit është nga 21 deri në 22 vjeç. Në mënyrë të ngjashme, normat e pronësisë së tyre në shtëpi janë shumë më të ulëta në krahasim. / Visual Capitalist
Përgatiti:
