Instituti Hidrometeorologjik i Kosovës (IHMK) ka parashikuar mot të qëndrueshëm dhe kryesisht me diell për fundjavën e 19 dhe 20 korrikut 2025.
Të shtunën, më 19 korrik, në Kosovë do të mbajë mot kryesisht me diell dhe vranësira të pakta. Temperaturat minimale do të luhaten nga 8 deri në 11 gradë Celsius, ndërsa temperaturat maksimale pritet të arrijnë nga 27 deri në 30 gradë Celsius.
Ndërsa të dielën, më 20 korrik, moti do të jetë kryesisht me diell dhe pjesërisht me vranësira. Vranësirat vende-vende mund të sjellin riga lokale shiu. Temperaturat minimale do të luhaten nga 10 deri në 13 gradë Celsius, ndërsa ato maksimale do të arrijnë nga 29 deri në 33 gradë Celsius.
Mundesh me e lexu edhe…
IHMK gjithashtu njofton se indeksi UV do të jetë i lartë gjatë kësaj periudhe, ndaj këshillohet që qytetarët të respektojnë masat e sigurisë dhe rekomandimet e Institutit Kombëtar të Shëndetësisë Publike për mbrojtje nga rrezet e diellit./Katror.info
