Portugezi Jose Mourinho është prezantuar si trajner i Fenerbahçes. Ceremonia e prezantimit të trajnerit portugez u bë të dielën në kompleksin sportiv të klubit të madh turk, “Ulker”. Mourinho është pritur ngrohtë nga një numër i madh i përkrahësve të Fenerit.
Mourinho është shprehur i lumtur për aventurën e tij të re te gjiganti turk.
“Dua t’u falënderoj për dashurinë tuaj, dashurinë që ndjeva që në momentin e parë kur emri im u përmend si trajner i ri i Fenerbahçes. Normalisht, një trajner fiton dashurinë pas një fitoreje. Në këtë rast ndiej se më doni para se të nisim punën.
Mundesh me e lexu edhe...
Kjo më jep edhe një përgjegjësi të madhe. Ju premtoj që tash e tutje edhe unë i përkas familjes suaj. Kjo fanellë është si lëkura dhe kockat e mia. Futbolli është një pasion për ju dhe ne mendoj se jam në një nga vendet më të mira ku mund ta ndiejmë këtë pasion”, ka thënë ish-trajneri i disa skuadrave të mëdha evropiane.
Mourinho ka nënshkruar kontratë dyvjeçare, me mundësi vazhdimi edhe për një vit tjetër me skuadrën turke.
Mourinho te Fenerbahçe do ta zëvendësojë turkun Ismail Kartal i cili u shkarkua në fund të muajit maj për shkak të rezultateve të dobëta.
61-vjeçari ka drejtuar më herët edhe Romën, Tottenhamin, Manchester Unitedin, Chelsean, Real Madridin, Interin, Porton e Benfican./Katror.info
Përgatiti:
