Selektori i Zvicrës, Murat Yakin, ka bërë të qartë se ekipi i tij synon fitore në ndeshjen e parë të kualifikimeve për Kupën e Botës 2026.
Ndeshja zhvillohet të premten mbrëma në Basel, në “St. Jakob-Park”, ndaj Kosovës, ku pritet që tifozët të jenë afërsisht pesëdhjetë për qind zviceranë dhe pesëdhjetë për qind kosovarë.
“Kur luajtëm miqësore me Kosovën në mars të vitit 2022 flitej për një duel vëllazëror. Kjo nuk do të ndodhë më”, ka thënë Yakin, duke treguar se tani bëhet fjalë për ndeshje serioze kualifikimi.
Mundesh me e lexu edhe…
Ai ka shtuar se dy ndeshjet e para në shtëpi kundër Kosovës dhe Sllovenisë ofrojnë mundësinë për të krijuar një pozicion të mirë fillestar në grup.
Yakin është shprehur optimist për gjendjen e skuadrës pas javës së përgatitjeve jashtë vendit, pavarësisht luhatjeve të formës së disa lojtarëve kryesorë si Breel Embolo dhe Manuel Akanji: “Java ka shkuar mirë, të gjithë janë të gatshëm dhe në formë”, ka thënë ai.
Në ofensivë, shpresat janë tek Dan Ndoye, sulmuesi i ri që ka shkëlqyer pas transferimit të tij nga Bologna te Nottingham Forest. “Unë pranoj përgjegjësinë dhe do të ndihmoj ekipin me cilësitë e mia, por do të mbetem i njëjti Dan”, është shprehur ai.
Yakin gjithashtu e ka vënë theksin te rëndësia e fillimit të mirë, duke kujtuar se ndeshja do të jetë një një sfidë reale: “Futbolli është shumë i shpejtë dhe grupi është i vështirë, por përgatitjet e fundit kanë qenë të shkëlqyera. Tani gjithçka duhet të përkthehet në lojë”, ka thënë ai.
Pas takimit me Zvicrën, Kosova do të presë Suedinë në Prishtinë. Pjesë e grupit janë gjithashtu Sllovenia dhe Zvicra.
Ndeshja Zvicër – Kosovë zhvillohet të premten, ora 20:45, në “St. Jakob-Park”, Basel./RTK/Katror.info
