Netflix është duke marrë një transformim të madh pas 12 vitesh. Kompania ka njoftuar një ripërpunim të faqeve të saj kryesore, që është hera e parë që ndodh që nga lansimi i saj në nëntor 2013, shkruan CNN, përcjell Katror.info.
Ripërtritja e faqes dhe testet me Inteligjencë Artificiale
Ripërpunimi i ri do të sjellë disa ndryshime të dukshme në dizajn, duke zhvendosur menunë kryesore në mes të faqes, siç është tek rivali Apple TV. Përveç kësaj, Netflix do të testojë përdorimin e Inteligjencës Artificiale për kërkime dhe një faqe të videove vertikale të ngjashëm me TikTok për përdoruesit e aplikacioneve mobile. Ky test fillestar do të jetë në version beta, që do të jetë i disponueshëm vetëm për një pjesë të përdoruesve.
Personalizimi dhe përmbajtja e re
Dizajni i ri i faqes do të ofrojë përmbajtje më të kompresuar dhe rekomandime më të personalizuara në kohë reale, duke bazuar këto rekomandime në sjelljen e shfletimit dhe orën e ditës. Gjithashtu, Netflix do të ketë një fokus më të madh në eventet live dhe lojërat, veçanërisht për ata përdorues që kanë treguar interes për këto lloje përmbajtjesh.
Mundesh me e lexu edhe…
Ky njoftim vjen pas një periudhe të suksesshme për Netflix, me të ardhura rekord, dhe një javë para eventit të 14 majit, ku do të prezantohen ofertat reklamuese. /Katror.info
