Një konferencë që synon promovimin e destinacioneve turistike në nivel lokal dhe ndërkombëtar mbahet sot në Prizren.
Organizuar nga OJQ “Educo”, Konferenca e Turizmit dhe Mikpritjes – KonTur 2023, mbahet në Kino Lumbardhi dhe do të mbulojë një gamë të gjerë temash që lidhen me industrinë e turizmit dhe do të shërbejë si një platformë për ekspertët, praktikuesit dhe palët e interesuara për të shkëmbyer njohuri, ide dhe bashkëpunime në mënyra të ndryshme për të përmirësuar industrinë e turizmit.
“Organizimi i konferencës vjetore do të ndihmojë në promovimin e destinacioneve turistike në nivel lokal dhe ndërkombëtar duke rritur ndërgjegjësimin dhe interesin e njerëzve për të vizituar vendin. Do të ndikojë në rritjen e të ardhurave në industrinë e turizmit në vend duke përmirësuar infrastrukturën dhe shërbimet për turistët dhe duke krijuar një mjedis tërheqës për ta. Gjithashtu, do të ndikojë në zhvillimin e fushës së turizmit duke krijuar mundësi të reja biznesi dhe duke rritur punësimin në sektorin e turizmit, thuhet në njoftim.
Mundesh me e lexu edhe…
Në konferencën e parë të këtij lloji në Prizren, do të marrin pjesë kryetari i Prizrenit, Shaqir Totaj, Ministrja e Tregtisë dhe e Industrisë Rozeta Hajdari, përfaqësues të institucioneve kulturore, festivaleve, bizneseve vendore, etj. /Katror.info
Përgatiti:
