Stilistja e njohur shqiptare – Nensi Dojaka, po shquhet nëpër botë për koleksionet e mrekullueshme të veshjeve të realizuara ndër vite dhe bashkëpunimin me fytyra të njohura të modës.
Stilistja 28 vjeçare tashmë është një ndër stilistet më të mira në botën e modës.
E udhëhequr nga një listë mbresëlënëse e të preferuarve të modës, duke përfshirë Bella Hadid, Beyonce, Hailey Bieber, Zendaya dhe Emily Ratajkowski, stilitja ka fituar dy nga vlerësimet më presigjoze të industrisë: çmimin LVMH dhe çmimin e fondacionit “BFC”, i cili ka për qëllim ta nderojë një stilist në zhvillim që gjatë 12 muajve të fundit ka pasur ndikim të madh krijues në modën globale.
Mundesh me e lexu edhe...
Nensi ka lindur në vitin 1993 dhe është rritur në Shqipëri me një motër, përpara se të transferohej në Londër në fund të adoleshencës për të studiuar dizajnin e të brendshmeve në London College of Fashion. Ajo kreu praktikë në Peter Pilotto dhe Fyodor Golan përpara se të përfundonte masterin në shkollën e njohur të modës Central St Martins.
Ajo e themeloi markën e saj Eponymous ndërsa përfundoi studimet në Kolegjin e Modës në Londër.
Prindërit e Nensit kishin parë qysh herët dashurinë e saj për modën. “Kur isha 15 vjeç, babai im më bleu fustanin tim të parë të markës për ditëlindjen time – ishte ky fustan i vogël Miu Miu dhe më ngeli në kokë, më pëlqeu!” tha ajo.
Glamour Magazine shkruan se sfilata e Nensi Dojakës për pranverën 2023 në Javën e Modës në Londër në shtator, iu afrua ofrimit të një masterklasi dhe u pëlqye shumë nga të gjithë të pranishmit.
Shfaqja Vjeshtë-Dimër 2022 ishte vetëm pasarela e saj e dytë solo. Business of Fashion e quajti ngjarjen si një ‘nga pistat më të pritura të javës.’ Në një kohë shumë të shkurtë, stilistja shqiptare arriti një sukses të jashtëzakonshëm.
Përgatiti:
