Nëntorin rezervojeni për “1899”, nga krijuesit e serialit gjerman “Dark”

E krijuar nga dyshja e drejtuesve të serisë së sukesshme gjermane “Dark”, Baran bo Odar dhe Jantje Friese, “1899” përfaqëson serinë e ardhshme të misterit të çiftit. Dhe këtë herë, e kanë zgjeruar hapësirën e tyre për një seri shumë-gjuhëshe që ka shumë çuditshmëri brenda.

Ngjarje që zhvillohen – mund ta keni marrë me mend – në vitin 1899, shfaqja sheh një anije me avull migrantësh që niset drejt perëndimit për t’u larguar nga kontinenti i vjetër. Pasagjerët, një grumbull i përzier me origjinë evropiane, të bashkuar nga shpresat dhe ëndrrat e tyre për shekullin e ri dhe të ardhmen e tyre jashtë vendit. Por udhëtimi i tyre merr një kthesë të papritur kur zbulojnë një anije tjetër emigrantësh në det të hapur. Ajo që do të gjejnë në bord, do ta kthejë kalimin e tyre në tokën e premtuar në një makth të tmerrshëm, shkruan Empire.

Drejtuesit e serisë “1899”.

Çelësi i disa prej sekreteve në bord është Maura Franklin (Emily Beecham), një grua e sinqertë dhe misterioze me një prejardhje magjepsëse.

Bashku me rrëfimin vijnë edhe zëra të rinj, që nga kasti ndërkombëtar (i cili përfshin Aneurin Barnard, Andreas Pietschmann, Miguel Bernardeau, Maciej Musial, Lucas Lynggaard Tønnesen, Rosalie Craig, Clara Rosager, Maria Erwolter, Yann Gael, Mathilde Joés Ollivier, Pimentão, Isabella Wei, Gabby Wong, Jonas Bloquet, Fflyn Edwards dhe Alexandre Willaume) flasin të gjithë gjuhët e tyre.