Ministria e Arsimit, Shkencës, Teknologjisë dhe Inovacionit ndau çmime dhe mirënjohje për 45 nxënës të cilët kanë marrë çmime në gara ndërkombëtare dhe vendore gjatë vitit 2022, si nismë e re me qëllimin që të shërbejë si motiv për punë të mëtutjeshme, shkruan Kultplus.
Shuma e ndarë nga Ministria e Arsimit për këta nxënës është 28,300 euro.
Me këtë rast, institucionet shtetërore i kanë përgëzuar nxënësit, prindërit dhe të gjithë mësimdhënësit për çmimet e fituara dhe talentin e tyre jashtëzakonshëm.
Mundesh me e lexu edhe…
Institucionet shtetërore premtuan përkrahje për organizuesit e këtyre garave, të cilët kanë vendosur që në fushëveprimin e organizatave të tyre, të kenë pikërisht talentet nga shkollat e Kosovës, ndërsa për talentët u premtua se do t’iu ofrohet përkrahje përmes praktikave profesionale, bursave STEM, kurse për IT e të tjera.
- Advertisement -
Ndryshe, disa nga garat të cilat organizohen nga OJQ të specializuara dhe janë një mundësi e mirë për identifikimin e talenteve të fushave të ndryshme janë: Olimpiada Kombëtare e Matematikës, Garat Republikane të Fizikanëve të Rinj, Olimpiada e Matematikës Kosovë-Shqipëri, Olimpiada Matematike Ndërkombëtare, Kupa Matematike Evropiane, Math Kangoroo./Katror.info
Përgatiti:
Reita Demi
- Advertisement -
