Pas tre vitesh pritje, Netflix ka zbuluar pamjet e para dhe trailer-in zyrtar të sezonit të pestë dhe të fundit të serialit shumë të dashur “Stranger Things”. Ky sezon përmbyllës, i krijuar nga vëllezërit Duffer, do të nisë në nëntor 2025 dhe pritet të sjellë kthimin epik të aventurave në qytetin e Hawkins.
Publikimi i sezonit është ndarë në tri faza: katër episodet e para dalin më 27 nëntor 2025, pjesa e dytë me tre episode do të publikohet më 26 dhjetor 2025, ndërsa finalja e madhe pritet më 1 janar 2026 me episodin përmbyllës.
Sezoni i katërt kishte përfunduar me një çarje dramatike mes dy botëve, duke rrezikuar qytetin Hawkins dhe duke lejuar botën e errët “Upside Down” të pushtojë realitetin. Armiku kryesor është më i fuqishëm se kurrë, ndërsa personazhet janë gati për betejën përfundimtare.
Mundesh me e lexu edhe…
Sipas trailer-it dhe pritshmërive, sezoni i fundit do të jetë i errët, plot me dramë, aksion dhe ndoshta lamtumira emocionuese të disa prej personazheve të dashur. Një përmbyllje epike për një nga serialet më të suksesshme në historinë e Netflix, që ka mbajtur publikun të lidhur për vite me rradhë./Katror.info
