Nga “The Queen” te “The Crown”-filmat mbi jetën e Mbretëreshës Elizabeth

Trashëgimia e Mbretëreshës Elizabeth II nuk do të jetojë vetëm në librat e historisë, por në shumë filma dhe seri televizive që janë frymëzuar nga historia e jetës së saj.

Monarkja e ndjerë nuk duhej të trashëgonte fronin. Por, fati i saj u caktua në vitin 1936 pasi xhaxhai i saj, Mbreti Eduard VII, abdikoi fronin vullnetarisht dhe vëllai i tij, Mbreti George VI, mori përsipër detyrat mbretërore, shkruan CNN.

“The King Speech”

Historia e George VI mund të duket e njohur për disa dashamirës të filmit. Ngjitja e tij në fron dhe ngjarjet përreth, u rikrijuan në “The King’s Speech” (2010).

Në film luajti Colin Firth, i cili luajti Mbretin George VI. Helena Bonham Carter luajti nënën mbretëreshë Elizabeth, dhe Freya Wilson luajti Princeshën Elizabeth, e cila vite më vonë do të bëhej Mbretëresha Elizabeth II.

Filmi fitoi katër çmime Oscar.

Filmin “The King’s Speech” mund ta shikoni në Starz dhe transmetohet në Hulu.

‘The Crown’

Bazuar në ngjarje historike, seriali i njohur i Netflix, i cili nisi tw transmetohej në vitin 2016, fokusohet në jetën e Mbretëreshës Elizabeth II.

Seriali kap një nga momentet që përcaktuan mbretërimin e saj, premtimin e një shërbimi të përjetshëm ndaj kurorës britanike të mbajtur gjatw një fjalimit të saj të ditëlindjes së 21-të.

“Unë deklaroj para jush se e gjithë jeta ime, qoftë e gjatë apo e shkurtër, do t’i kushtohet shërbimit tuaj dhe shërbimit të familjes sonë të madhe perandorake të cilës ne të gjithë i përkasim”, tha mbretëresha e ndjerë.

Mbreti Charles III foli për këtë premtim gjatë fjalimit të tij të parë televiziv pas ngjitjes në fron.

Që nga vdekja e Mbretëreshës Elizabeth II, “The Crown” ka rikthyer vëmendjen e botës dhe sezoni i tij i parë u kthye në top 10 filmat më të ndjekur në Netflix.

Seriali ka fituar shumë çmime Golden Globe dhe Emmy.

“A Royal Night Out’

“A Royal Night Out” (2015) përcjell princeshën e atëhershme Elizabeth dhe motrën e saj, Princeshën Margaret, gjatë Ditës së Fitores në Evropë, më 8 maj 1945.

Sipas filmit, princeshat u larguan nga Pallati Buckingham atë natë për të festuar fundin e Luftës së Dytë Botërore.

“Është një histori e vërtetë që i intrigon të gjithë. Por ne nuk e dimë saktësisht se çfarë ka ndodhur. Është një fantazi e vogël e frymëzuar nga ajo histori e vërtetë”, tha regjisori i filmit, Julian Jarrold, në faqen zyrtare të produksionit.

Në film luajnë Sarah Gadon (Princesha Elizabeth) dhe Bel Powley (Princesha Margaret). Rupert Everett dhe Emily Watson luajnë Mbretin George VI dhe Nënën Mbretëreshë.

Filmi është i disponueshëm në Prime Video, Paramount + ose Hulu.

‘The Queen’

Ndoshta ky është një nga filmat më ikonë që solli jetën e Mbretëreshës Elizabeth II në ekranin e madh.

Në filmin, i cili u shfaq në kinema në 2006, luan Helen Mirren, e cila fitoi Oscarin për aktoren më të mirë për portretizimin e monarkes.

Historia rrëfen momentet pas vdekjes së princeshës Diana dhe tregon se si mbretëria britanike e menaxhoi fillimisht lajmin. Filmi ilustron se si kryeministri britanik Tony Blair punoi për ta afruar monarkinë me popullin e saj.

Përveç Oscarit, filmi fitoi dy BAFTA dhe dy Golden Globes.

“The Queen” është në dispozicion në HBO Max dhe Hulu.

‘Elizabeth at 90: A family Tribute’

Çdo fazë e jetës së Mbretëreshës Elizabeth II është e dokumentuar. Në këtë dokumentar të BBC-së, familja mbretërore britanike i bën homazhe Mbretëreshës Elizabeth II në ditëlindjen e saj të 90-të.

Sipas BBC, regjisori John Bridcut kishte qasje të veçantë në koleksionin e videotekës personale të Mbretëreshës.

Videot, të papara kurrë më parë deri në premierën e këtij dokumentari, u rekorduan nga vetë Mbretëresha dhe bashkëshorti i saj i ndjerë, Duka i Edinburgut.

Princi William dhe Princi Harry janë pjesë e produksionit. Mbreti Charles III dhe motra e tij, Princesha Royal Anne, janë ndër anëtarët e tjerë të familjes mbretërore që marrin pjesë gjithashtu në dokumentar.

Ju mund ta shihni dokumentarin në BBC One, Plex dhe FuboTV.