La Liga ka zbuluar të nominuarit për çmimet e saj vjetore, LALIGA Awards, të cilat do të prezantohen së bashku me KAFD Globe Soccer European Awards, në një gala që do të mbahet më 28 maj në Cala di Volpe (Sardenjë) falë një marrëveshjeje të përbashkët historike e nënshkruar në fillim të sezonit.
Me këtë marrëveshje, e cila përfaqëson bashkëpunimin e parë të Globe Soccer në tregun evropian, La Liga konfirmoi angazhimin e saj për ta vendosur tifozin në qendër të Epokës së Re.
La Liga do të japë katër çmime në kategoritë e saj vjetore: goli më i mirë, lojtari më i mirë, trajneri më i mirë dhe lojtari më i mirë nën 23 vjeç, përveç çmimit special (ekipi i sezonit, i cili përfshin 15 lojtarë nga klube të ndryshme).
Fituesit zgjidhen përmes një sistemi të votimit të tifozëve, vetë kapitenëve të klubit dhe një komisioni ekspertësh nga lista e të nominuarve, e cila do të publikohet në mes të muajit.
Të nominuarit e sezonit
Çmimi i La Ligas për lojtarin e vitit diskutohet mes dhjetë emrave të mëdhenj: Jude Bellingham, Takefusa Kubo, Antoine Griezmann, Artem Dovbyk, Kirian Rodriguez, Robert Lewandowski, Vinicius Jr, Isco, Aleix Garcia dhe Alexander Sorloth.
Nga ana tjetër, çmimi i La Ligas për lojtarin më të mirë U23 do t’i jepet njërit prej këtyre 10 talenteve të rinj: Lamine Yamal (Barcelona), Javi Guerra (Valencia), Rodrygo (Real Madrid), Yann Couto (Girona), Savinho (Girona ), Johnny (Real Betis), Pau Cubars (Barcelona), M. Gutierrez (Girona), Nico Ëilliams (Athletic Bilbao Club) dhe Takefusa Kubo (Real Sociedad).
👔 @MrAncelotti (@realmadrid)
👔 @Simeone (@Atleti)
👔 @Michel8Sanchez (@GironaFC)
👔 Ernesto Valverde (@AthleticClub)
👔 @Marcelino (@VillarrealCF)
👉 Choose the #LALIGAEASPORTS COACH OF THE SEASON.
#LALIGACOACHOFTHESEASON | @Microsoft #PREMIOSLALIGA | #LALIGAAWARDS— LALIGA English (@LaLigaEN) May 15, 2024
Të nominuarit për çmimin e La Ligas për golin e vitit janë tetë: Memphis Depay, Joao Cancelo, Saul Coco (Las Palmas), Aitor Ruibal (Real Betis), Jesus Areso (Osasuna), Vinicius Jr, Lamine Yamal dhe Joao Felix.
Së fundi, Carlo Ancelotti (Real Madrid), Michel (Girona), Diego Simeone (Atletico Madrid), Ernesto Valverde (Athletic Bilbao) dhe Marcelino (Villarreal) janë në garë për çmimin për trajnerin më të mirë. /Katror.info
Përgatiti:
