Koncerti i shumëpritur i këngëtares së famshme me prejardhje nga Kosova, Dua Lipa, ka nisur në Tiranë. Ajo po e përmbyll turneun e saj botërore “Future Nostalgia” në kryeqytetin shqiptar pikërisht në përvjetorin e 110-të të pavarësisë së Shqipërisë.
Kreu i Bashkisë së Tiranës, Erion Veliaj ka shpërndarë një video në Twitter pak para nisjes së koncertit.
Tirana is lit for @DUALIPA tonight! 💥🇦🇱
💥 Albania celebrates 110th Independence
💥 Tirana is European Youth Capital 2022
💥 Dua wraps #FutureNostalgia Tour
💥 @DUALIPA just became 🇦🇱 citizen
💥 Approx. 200k already at @SheshiSkenderbe pic.twitter.com/Hji2KzIK9f
“Tirana ndriçon për Dua Lipa-n sonte. Shqipëria feston 110 vjetorin e pavarësisë. Tirana është kyeqytet evropian 2022. Dua përmbyll turin Future Nostalgia. Dua sapo u bë shtetase e Shqipërisë,” ka shkruar Veliaj..
Mundesh me e lexu edhe…
Vetë Dua Lipa ka bërë sot disa paraqitje në rrjetet e saj sociale si dhe ka mbajtur një konferencë për gazetarë.
Gjatë konferencës me kryetarin e Tiranës, Erion Veliaj, ajo tha se duhet të ndryshohet stigma ndaj shqiptarëve, lidhur me përcaktimet ofenduese dhe raciste nga sekretarja e Brendshme britanike, Suella Braverman.
Ajo theksoi se shqiptarët duhet të pranohen si rezidentë në çdo shtet që mund të shkojnë, pa u përballur me situata të pakëndshme.
“Turi ka shku shumë mirë, 94 paraqitje bëhen sonte. Jam e emocionuar dhe mezi po pres me pa se çfarë do të ndodhë. Është një fatkeqësi e madhe si shihemi ne në sytë e politikanëve të tjerë, janë fjalë të pakëndshme, mendoj që kemi nevojë me luftuar ksenofobinë në botë, nga të gjitha racat, është e nevojshme, ne duhet ta ndryshojmë stigmën që kanë njerëzit ndaj shqiptarëve, kjo është ajo që mund të bëjmë, pak e nga pak. Kemi nevojë të pranohemi si rezidentë në çdo shtet ku mund të shkojmë, është shumë e rëndësishme të hiqen stigmat”, tha Dua.
Pas mbylljes së turit “Future Nostalgia”, Dua tha se do të vijojë të punojë për albumin e saj të tretë dhe se nuk do të ketë periudhë pushimi.
“Periudhë pushimi nuk kam pas qysh 7 vjet, po mendoj që sonte që përfundon turneu, kam disa kohë intensive në studio me përfundu albumin e tretë”, tha artistja.
Këngëtarja gjatë konferencës dha edhe detaje në lidhje me koncertin e sotëm falas,
“Show është i njëjtë, atë që kam bërë përreth botës. Ka qenë me rëndësi që ne kemi kulturë tonën dhe ne si shqiptarë jemi krenarë, ne kemi të drejtën që duhet të krenohemi”, tha Dua.
Në lidhje me pyetjen se sa pasaporta ka, ajo u shpreh se ka dy, atë angleze dhe tashmë edhe shqiptaren, të cilën e mori një ditë më parë.
“Një të Shqipërisë dhe një të Anglisë, ndihem shumë e emocionuar. Mezi po pres me festu 110 vjetorin e pavarësisë me ju sonte”, tha Dua.
Në konferencën për gazetarë nuk kanë munguar as momentet qesharake. Dua Lipa është pyetur edhe për jetën sentimentale, më saktësisht për të gjetur një partner shqiptar.
“Duke qenë se ju tani morët edhe pasaportën shqiptare, a do t’i duhet Duas edhe një partner shqiptar”, ka qenë pyetja e gazetares drejtuar yllit me famë botërore e cila e mori me të qeshur.
“Oh motër ka ja ke nis qitash, jo jo s’po di..s’kom përgjigje..po i hin llugave qetash”, ka thënë me të qeshur Dua Lipa. /Katror.info
Përgatiti:
