Gjeologët dhe historianët zbuluan një majë shigjete të bërë nga hekuri meteoritik, një material që nuk gjendet natyrshëm në Tokë, sipas një studimi të ri të botuar në korrik.
Studimi i rishikuar, i botuar në revistën akademike të Shkencave Arkeologjike, analizoi një majë shigjete që ruhet në Muzeun Historik në Bernë.
Materiali i majës së shigjetës u zbulua se ishte pjesërisht i bërë nga izotopi alumin-26, një material që nuk gjendet natyrshëm në Tokë. Ekzaminimi i mëtejshëm tregoi se metalet përfshinin një aliazh hekuri dhe nikel, i cili është zbuluar vetëm në meteorite.
Mundesh me e lexu edhe...
Megjithëse ka shumë të ngjarë që materialet e majave të shigjetave të kenë ardhur nga hapësira, besohet se arma dikur është përdorur nga tokësorët. Më konkretisht, nga një grup individësh që kanë jetuar në Mörigen, liqeni Biel në Zvicër gjatë epokës së bronzit, nga viti 900 deri në 800 para Krishtit.
Meteori Twannberg goditi Tokën rreth tetë kilometra nga vendi ku u gjet maja e shigjetës. Megjithatë, pavarësisht teorive fillestare se ky ishte burimi i materialit, përqendrimet e germaniumit dhe nikelit në majë të shigjetës nuk përputhen me këtë meteorit, shkruan Katror.info.
Meqenëse ata nuk ishin në gjendje të gjenin lidhje mes majës së shigjetës me meteorin Twannberg, studiuesit filluan të analizojnë meteorët e tjerë që ranë gjatë asaj periudhe kohore.
Nëpërmjet kësaj analize, ata kuptuan se një meteor nga Estonia ishte burimi më i mundshëm i majës së shigjetës. Kjo dëshmoi se tregti serioze u zhvillua në Evropën Qendrore edhe gjatë epokës së bronzit, shkruan Jerusalem Post./Katror.info
Përgatiti:
