Që nga rritja e një miliard robotëve dykëmbësh në 25 vitet e ardhshme deri në gjetjen e burimeve efikase të proteinave bimore për të zëvendësuar proteinat shtazore, këto parashikime rrethojnë kryesisht teknologjinë dhe Inteligjencën Artificiale, që së shpejti do të rishpikin strukturën shoqërore.
Miliarderi i kapitalit sipërmarrës dhe një nga mbështetësit e parë të OpenAI-t, Vinod Khosla, ka bërë 10 parashikime se si do të duket bota në të ardhmen e afërt, duke mbështetur kështu filozofinë e tij të investimeve.
“Këto parashikime kanë të bëjnë me mënyrën se si teknologjia (AI dhe më gjerë) është e vetmja levë me të cilën ne do të rikrijojmë infrastrukturën shoqërore,” shkroi Khosla në platformën X, ish-Twitter.
Mundesh me e lexu edhe…
Miliarderi foli për herë të parë se në të ardhmen do të kemi mjekë, me bazë AI dhe kjo do të ndodhë deri në 2030-2035.
“Vlen të përmendet se shumica e profesionistëve mjekësorë nuk janë ekspertë të AI dhe ata nuk mund të parashikojnë se çfarë do të bëjë AI deri në 2030-35. Unë kam gjetur se ata janë kryesisht të gabuar që kur shkrova për herë të parë për AI në mjekësi në 2012. Natyra e kurbës eksponenciale të teknologjisë nuk është intuitive për njerëzit; aftësitë e teknologjive inteligjente në vitin 2050 (hardware, softuer, teste) janë të vështira për t’u imagjinuar, ashtu si smartfonët e sotëm ishin të paimagjinueshëm 20 vjet më parë”, tha ai.
Nuk është befasi që robotët kanë qenë në fokus me ardhjen e Inteligjencës Artificiale në botën tonë. Khosla në parashikimin e tij se do të ketë një miliard robotë dykëmbësh (humanoid) brenda 25 viteve.
“Nga punëtorët e fabrikave te punëtorët e fermave dhe më shumë, ne mund t’i çlirojmë njerëzit nga 50 për qind e punëve vërtet të padëshirueshme,” thotë ai, duke shtuar se e njëjta gjë duhet të bëhet me kujdes, ndjeshmëri dhe dhembshuri.
Për sa i përket sektorit të teknologjisë, Khosla, në parashikimin e tij flet për prodhimin e aeroplanëve 5 Mach që mund të fluturojnë nga Nju Jorku në Londër, në vetëm 90 minuta, zhvillimi i të cilit do të përfundojë pas në 25 vitev.
“Në 15 vjet ne mund të kemi aeroplanë me shpejtësi 5 Mach që na çojnë nga NYC në Londër në 90 minuta, me karburant të qëndrueshëm,” thotë kapitalisti sipërmarrës.
Khosla përmend gjithashtu mundësinë e zëvendësimit të proteinave me bazë shtazore me proteina me bazë bimore. Përveç kësaj, me nevojën për të reduktuar gjurmën e karbonit në mes të ngrohjes globale, Khosla në parashikimin e tij përfundimtar mendon se e njëjta gjë mund të punohet përmes shkallëzimit të teknologjive më të mira për çimento, çelik, bujqësi, transport, prodhimin e energjisë, HVAC, etj. Ai mendon se, megjithëse shumica e përpjekjeve të tilla do të shkojnë kot, disa patjetër do të kenë sukses në zgjidhjen e problemit të emetimeve të karbonit në zonat kritike.
Një shembull i tillë është gjigandi i teknologjisë Apple. Kompania, gjatë ngjarjes së saj të lançimit në shtator, u angazhua për të shkuar plotësisht neutrale ndaj karbonit deri në vitin 2030 dhe kështu theu rekordet e të ardhurave duke vendosur një nivel më të lartë të të gjitha kohërave në Indi, midis vendeve të tjera. /Katror.info
Përgatiti:
