Trajtimi i dështimit të veshkave aktualisht përfshin orë të kaluara të lidhura me makinat e dializës ose transplantet e organeve. Por ka shpresë për një opsion të ri në një të ardhme jo aq të largët – një implant artificial.
Shkencëtarët kanë zhvilluar një bioreaktor që përdor qelizat e veshkave njerëzore të rritura në laborator dhe imiton disa nga funksionet kryesore të veshkave. Pajisja është testuar me sukses te derrat për një javë dhe nuk ka pasur probleme të dukshme apo efekte anësore.
Ekipi në Universitetin e Kalifornisë, San Francisko shpreson se pajisja mund të përshtatet për të përfshirë një shumëllojshmëri më të gjerë të llojeve të qelizave të veshkave dhe të shoqëruar me një instrument tjetër për të filtruar mbetjet nga gjaku.
Mundesh me e lexu edhe...
– Veshka bioartificiale do ta bëjë trajtimin e sëmundjeve të veshkave më efikas dhe shumë më të tolerueshëm dhe komod – tha bioinxhinieri Shuvo Roy.
Për të marrë një pamje se sa serioz është problemi, duhet të dini se më shumë se gjysmë milioni njerëz vetëm në Shtetet e Bashkuara kanë nevojë për dializë disa herë në javë. Rreth 25,000 transplante veshkash kryhen atje çdo vit dhe ato ndiqen nga terapi të forta për të siguruar që trupi të mos e refuzojë organin.
Ç’është më e rëndësishmja, nuk ka asnjë tregues që bioreaktorët provokuan sistemin imunitar të derrave. Shkencëtarët përdorën membrana silikoni për të mbrojtur qelizat e veshkave nga sulmi dhe për të mbajtur makinën e vogël të funksionojë në heshtje dhe efikasitet në sfond, njësoj si një stimulues kardiak.
Duhet të presim ende që një pajisje e tillë të funksionojë në trupin e njeriut, por shenjat e hershme janë premtuese. Do të pasojnë testet e kafshëve dhe nëse ato janë të suksesshme, testimi i pajisjes duhet të fillojë edhe te njerëzit me dështim të veshkave./Katror.info
Hulumtimi është publikuar në “Nature Communications” .
Përgatiti:
