Ngrënia e një veze në ditë mundet t’ju vijë në ndihmë kundër sëmundjeve kardiovaskulare.
Sipas një studimi të publikuar në revistën ”Heart”, njerëzit që hanë një vezë në ditë janë 18 % më pak të rrezikuar nga vdekja e parakohshme për shkak të sëmundjeve kardiovaskulare.
I njëjti studim thotë se njerëzit që hanë një vezë në ditë janë 28 % më pak të rrezikuar nga ishemia apo hemoragjia cerebrale.
Mundesh me e lexu edhe...
Në studim u analizuan të dhënat e plot 400,000 të rriturve. Ata ishin të moshave nga 30 deri në 79 vjeç.
Studime të tjera analizuan regjimin ushqimor të pjesëmarrësve dhe sasinë e vezëve të konsumuara prej tyre.
Në harkun kohor të nëntë viteve, ata regjistruan të dhënat shëndetësore, duke u përpjekur për të kuptuar rolin e vezëve në shëndet. Njerëzit që kishin një konsum mesatar të vezëve një herë në ditë kishin më pak gjasa të prekeshin nga sëmundjet kardiovaskulare.
Vlera e vezës për organizmin
- Kolina
Shkencëtarët kanë provuar se kolina, kjo vitaminë e veçantë është materiali më i rëndësishëm ndërtimor i trurit. Nëse hani vezë, trupi juaj merr mjaftueshëm nga kjo lëndë ushqyese. Mungesa e kolinës çon në rënien e kujtesës.
- Sy të mprehtë
Vezët janë të pasura me luteinë. Kjo substancë është përgjegjëse për shikimin e qartë dhe të mprehtë. Me mungesën e tij, indet e syrit dëmtohen dhe shikimi përkeqësohet në mënyrë të pakthyeshme.
- Vitaminë D dhe kalcium
Sipas të dhënave vezët janë të pasura me vitaminë D e cila ndihmon organizmin të përthithë më shumë kalçiumin dhe për të forcuar kockat dhe dhëmbët.
- Më shumë vitaminë B
Vitamina B mbron lëkurën, flokët dhe mëlçinë. Biotina, vitamina B12 dhe proteinat e tretshme ushqyese kontribuojnë në forcimin e flokëve dhe lëkurës. Elementet që përmbajnë vezët e pulës promovojnë eliminimin e toksinave nga mëlçia.
- Rënie në peshë
Shkencëtarët dolën në përfundimin se nëse kombinoni një dietë me pak kalori me vezët për mëngjes, humbni peshë dy herë më shpejt.
Një mëngjes i tillë ju ngop për një kohë të gjatë, duke ju lejuar të ulni sasinë e ushqimit të konsumuar brenda një dite.
Përgatiti:
