Fshati Giethoorn, i cili cilësohet si “Venecia e Holandës” ose “Venecia e Veriut” në Holandë, sepse i ngjan Venedikut në Itali, shquhet për mungesën e rrugëve për vetura.
Në fshatin Giethoorn në provincën holandeze Overijssel, ku nuk ka rrugë automjetesh, për transport përdoren kanalet, shtigjet e këmbësorëve, urat prej druri dhe shtigjet e biçikletave, shkruan AA, përcjell Fol Drejt.
Giethoorn, ku jetojnë afërsisht 2.600 njerëz, është i njohur për 176 urat e saj prej druri, kanalet e ngushta, shtëpitë historike, natyrën e harlisur dhe lulet shumëngjyrëshe, strukturën e tij që të kujton përralla dhe veçanërisht shtëpitë e tij që të kujtojnë fshatin e “Hobitëve”.
Mundesh me e lexu edhe…
Fshati Giethoorn vizitohet nga afërsisht një milion turistë çdo vit. Ai vizitohet më së shumti nga turistë nga Lindja e Largët, Lindja e Mesme dhe Turqia. Vitet e fundit është parë se veçanërisht kinezë kanë filluar të vendosen në fshat.
- Advertisement -
Nuk ka rrugë automobilistike
Varkat përdoren më së shumti për transport në fshat, ku nuk ka rrugë dhe vetëm disa shtëpi në hyrje mund të aksesohen me automjete.
- Advertisement -
Jetesa e njerëzve që jetojnë në Giethoorn bazohet kryesisht në aktivitetet turistike, si biznesi i anijeve, hoteleve dhe i restoranteve.
Banorët e shtëpive historike, të cilat shpesh kanë dy dyer, përdorin derën anësore, ndërsa derën e përparme e përdorin vetëm për të hyrë kur martohen dhe për të nxjerrë kufomën pasi të vdesin.
Vizita me varka elektrike
Fshati, i cili mori formën e tij aktuale pas dy përmbytjeve në 1776 dhe 1885, përbëhet nga shtëpi të ndërtuara rreth shumë kanaleve të ndërlidhura.
Udhëtimet turistike bëhen gjatë gjithë ditës me varka elektrike në kanalet që rrethojnë sheshin, ku çatitë e shtëpive historike janë të mbuluara me kallamishte.
Në fshat, ku operojnë shumë kompani varkash, restorantet dhe kafenetë ofrojnë gjithashtu shërbime të marrjes me qira të varkave dhe vizitorët në përgjithësi preferojnë të përdorin vetë varkat.
- Advertisement -
Shihet se disa ura në fshat janë të mbyllura me dyer druri për faktin se janë pronë private.
Giethoorn do të thotë “karobë”
Thuhet se emri “Giethoorn”, që do të thotë “karobë”, u vendos sepse kolonët e parë që zbuluan rajonin gjetën qindra karoba.
Fshati Giethoorn, ku u xhiruan pjesë e komedisë së vitit 1958 “Fanfare” me regji të regjisorit holandez Bert Haanstra, fitoi reputacionin e tij aktual me filmin që u shikua nga afro 2 milionë njerëz./Katror.info
- Advertisement -
Përgatiti:
