Ashtu si shumë ishuj të tjerë në Detin e Karaibeve, Martinique është gjithashtu e njohur për nuancat e kaltërta joreale të detit dhe për plazhet e saj, të cilat janë të mbuluara me rërë të imët të bardhë.
Meqenëse ishulli Martinique përfaqëson një pjesë unike të territorit të Republikës së Francës dhe ndodhet në grupin e Antileve të Vogla, ishuj në Detin Karaibe, dhe se Franca është një nga anëtarët e Bashkimit Evropian, ky Ishulli konsiderohet gjithashtu rajoni i tij më i largët.
Në këtë kuptim, është interesante të përmendet se është një territor i veçantë i Bashkimit Evropian, dhe sipas “Wikipedia”, monedha zyrtare në Martinique është euro. E vetmja gjuhë zyrtare në ishull është frëngjishtja, me popullsinë vendase e cila flet edhe një gjuhë të njohur si kreole martinike.
Mundesh me e lexu edhe...
Ashtu si shumë ishuj të tjerë në Detin e Karaibeve, Martinique është gjithashtu e njohur për nuancat e kaltërta joreale të detit dhe për plazhet e saj, të cilat janë të mbuluara me rërë të imët të bardhë.
Edhe pse ky ishull i Karaibeve vizitohet më shpesh nga turistët për të shijuar një nga resortet, nuk duhet të harrojmë se është një ishull që karakterizohet si një nga destinacionet më të mira eko në Karaibe.
“Domaine d’Emeraude” shquhet si një nga lokacionet më tërheqëse për turistët që duan të njihen nga afër me florën dhe faunën e pasur të këtij ishulli, ku mund të shijojnë ngarjen përgjatë shtigjeve rreth gjashtë kilometra e gjysmë që të çojnë nëpër pyllin e shiut.
E nëse vendosin të shkojnë në një udhëtim në “Le Robert”, mund të ndodhë lehtësisht që të kenë mundësi të shohin iguana në mjedisin natyror, i cili është nën mbrojtje. Gjithashtu, nëse vizitojnë plazhin “Grand Anse”, do të shijojnë ujin e ngrohtë dhe detin e kristaltë.
Meqenëse jeta detare rreth Martiniques është jashtëzakonisht e pasur, zhytja është një nga aktivitetet më tërheqëse në ishull.
Nëse e dini se e famshmja Josephine, e cila arriti të fitonte zemrën e Napoleon Bonapartit, ka lindur në Martinique, atëherë një vizitë në muzeun “La Pagerie” me siguri do t’ju kënaqë, sepse është ndërtesa ku ka lindur perandoresha Josephine.
Dhe ky është vetëm një nga 25 muzetë në këtë ishull të Karaibeve.
Me gjithë sa u përmend, gjatë një vizite në Martinique nuk duhet të humbisni shijimin e pijes së famshme, rumit, për të cilën ishulli është i famshëm, pasi shpeshherë karakterizohet si “Kryeqyteti i Rumit të Botës”. Gjatë gjithë vitit, turistët mund të vizitojnë distileri të shumta që prodhojnë këtë pije, dhe deri në 12 marka rumi e kanë origjinën nga Martinique./Katror.info
Përgatiti:
