Kënga “last recorded” e Beatles është në rrugën e duhur për të zënë vendin e parë në top-lista, ka njoftuar organizata britanike Official Chart.
Now and Then, e shkruar dhe kënduar fillimisht nga John Lennon dhe e zhvilluar më vonë nga anëtarët e tjerë të grupit – duke përfshirë të ndjerin George Harrison – u përfundua nga Sir Paul McCartney dhe Sir Ringo Starr dekada pasi u bë regjistrimi fillestar. Falë inteligjencës artificiale, vokali i këngëtarit John Lennon u nxor nga regjistrimi i vjetër, dhe kështu katërshja popullore u ribashkua virtualisht.
Dy Beatles-t e gjallë përfunduan Now And Then vitin e kaluar në Capital Studios në Los Angeles dhe futën kitarën elektrike dhe akustike të George Harrison të vitit 1995 në regjistrim.
Paul dhe Ringo shtuan pjesët e tyre në bas, piano dhe bateri. Pasi kënga u publikua të enjten, ajo është në rrugën e duhur për t’u bërë kënga e tyre e 18-të numër një në Top-Lista.
Do të ishte gjithashtu kënga e tyre e parë në krye të listës në 54 vjet. E fundit ishte Balada e John And Yoko nga viti 1969. Këngët e tyre të mëparshme numër një përfshijnë klasike si Hey Jude, All You Need Is Love, Yellow Submarine dhe Help!./Katror.info
Përgatiti:
