Mali Kailash ndodhet në Tibet dhe është një nga vendet më të shenjta dhe më të paarritshme në botë.
Sipas besimit hindu, e gjithë bota e ka origjinën nga mali Kailash.
Megjithëse, sipas të dhënave zyrtare, askush nuk e ka pushtuar majën e tij, legjenda tibetiane tregon një histori tjetër, atë të një prifti tibetian të quajtur Milarepa, i cili besohet se arriti të ngjitej në mal në shekullin e 11-të, por kur u kthye, dhe paralajmëroi të tjerët që kurrë të mos ngjitën në maje të malit sepse do të “trazojnë Zotin që pushon në majën e tij”.
Edhe pse me një lartësi prej 6714 metrash është shumë më i vogël se mali më i lartë në botë, Mount Everest (8849 metra), ky mal mistik mbetet ende i papushtuar. Ka dy arsye të mëdha për këtë. Së pari, Kailash ndodhet në një mjedis shumë të paarritshëm dhe sfida fizike për të arritur dhe ngjitur në mal konsiderohet pothuajse e pamundur.
Shpatet e pjerrëta, sipërfaqet thuajse vertikale dhe një mbulesë e vazhdueshme bore janë arsyeja pse ndoshta vetëm Spiajdermeni mund të arrinte të ngjitej në majën e tij, por edhe atij do t’i duhej të luftonte me erërat e forta dhe kushtet e vështira të motit që përbëjnë një rrezik shtesë për alpinistët e mundshëm.
Pavarësisht këtyre rreziqeve, në të kaluarën ka pasur përpjekje për t’u ngjitur në malin Kailash, të cilat kanë përfunduar pa sukses, por moti i rrezikshëm dhe terreni i paarritshëm janë vetëm disa prej arsyeve.
Gjegjësisht, mali Kailash është një vend pelegrinazhi për katër fe dhe për këtë arsye ngjitja në të është e ndaluar. Përveç hinduve, mali është një vend i shenjtë për budistët, xhainët dhe anëtarët e fesë tibetiane, Bön.
Për mijëra vjet, anëtarët e këtyre feve kanë bërë një pelegrinazh rreth malit në një rreze prej 52 kilometrash, e cila, sipas besimit, duhet të kalohet vetëm në një ditë për fat të mirë. Hindusët dhe budistët ecin rreth maleve në drejtim të akrepave të orës, ndërsa xhainët dhe anëtarët e fesë Bön ecin në drejtim të kundërt. Përndryshe, do t’ju duheshin rreth 15 orë për të ecur në të gjithë qarkun, nëse jeni në formë vërtet të mirë dhe ecni shpejt.
Po, ngjitja në këtë mal mistik do të ishte një arritje mbresëlënëse, por mali Kailash do të mbetet ende një ëndërr e pakapshme për aventurierët në mbarë botën./Katror.info
Përgatiti:
