Një këngë e papublikuar më parë nga Bob Marley u prezantua për publikun katër dekada pas vdekjes së tij.
Singli i mbretit të muzikës reggae, Bob Marley, i quajtur “Selassie is the Chapel” tashmë është prezantuar zyrtarisht.
Kënga, e cila u regjistrua për herë të parë në vitin 1968, por kurrë nuk u publikua zyrtarisht, tani është lëshuar nga labeli i Marley, JAD Records dhe është e disponueshme për transmetim në të gjitha platformat.
Mundesh me e lexu edhe…
Kënga shpirtërore, personale i bën homazh Haile Selassie, perandorit etiopian dhe një figurë e shenjtë në lëvizjen Rastafari, anëtar i përkushtuar i së cilës ishte Marley.
Teksti i këngës u shkrua nga një nga mentorët e Marley, Mortimer Plano, i cili u takua me Selassie kur ai vizitoi Xhamajkën në mesin e shekullit të kaluar, më saktësisht në vitin 1966.
Marley vdiq në vitin 1981 në moshën 36-vjeçare, pasi u bë një pionier global i muzikës reggae.
Vlerësohet se ai ka shitur më shumë se 75 milionë disqe në mbarë botën. Disa nga albumet e tij më të famshme përfshijnë “Catch a Fire”, “Burnin'”, “Natty Dread”, “Rastaman Vibration”, “Exodus” dhe “Kaya”. Albumi “Legend” i publikuar pas vdekjes së tij është një nga albumet reggae më të shitur të të gjitha kohërave. Përmes muzikës dhe deklaratave të tij publike, ai promovoi mesazhe dashurie, paqeje, barazie dhe shpirtërore.
Marley pësoi një dëmtim në këmbë duke luajtur futboll, i cili përfundimisht çoi në zbulimin e kancerit. Pavarësisht sëmundjes, ai vazhdoi të punonte me muzikë dhe dha shfaqje energjike deri në fund.
Një film biografik me metrazh të gjatë mbi ikonën reggae, i titulluar “Bob Marley: One Love”, është planifikuar të dalë në kinema më 14 shkurt 2024./Katror.info
Përgatiti:
