Filmi i gjatë artistik “Odiseja e Gëzimit”, me skenar dhe regji nga Zgjim Terziqi dhe prodhim nga Valmira Hyseni, vazhdon rrugëtimin e tij ndërkombëtar me pjesëmarrjen në IFFI Goa International Film Festival, një nga ngjarjet më të rëndësishme të kinemasë botërore në Indi.
Në këtë film interpretojnë aktorët: Diar Sadiku, Lucie Fagedet, Frédéric Radepont, Iñaki Lartigue, Tristan Halilaj, Njomeza Fetiu, Meli Qena, Dukë Sllamniku, Edon Rizvanolli, Eli Gashi, Bajram Kafu Kinolli dhe Milot Hoxha.
“Odiseja e Gëzimit” është një bashkëprodhim Kosovë–Francë, realizuar nga Plan Bee Films në bashkëpunim me Mon Ballon Production, me mbështetje të Qendrës Kinematografike të Kosovës. Filmi synon të prezantojë kinematografinë kosovare në skenën ndërkombëtare dhe të nxisë dialogun kulturor mes dy vendeve./Katror.info
