Mëngjeset e nisuna mirë, janë ato mëngjese ku ushqehemi mirë. Andaj edhe asht mirë me e përgatitë nji mëngjes t’mbushun me vlera ushqyese e t’shnetshëm. Mirëpo, jo çdo herë mrrijmë me e nxanë mëngjesin herët e me e përgatitë nji vakt t’shijshëm e t’mirë,, veçanarisht vikendeve, kur pritojmë me u çu herët. Qata recetat sikurse fritatta mediterane, apo fritatta me spinaq dhe tomatina janë ideale për nji super-mëngjes kampionësh e pse jo edhe ndonji vikend dembel a “Brunch”. E kësaj radhe po t’njoftojmë me ni version interesant t’omletit.
Omleti me brokolli i pjekun n’furrë asht versioni ma praktik i omletit t’cilin mundesh me e përgatitë po që se je duke e shërby nji kallabllëk njerëz për mëngjes e nuk je ka don me u lodhë fort. I lehtë, praktik dhe interesant n’shije, ky omlet asht definitivisht nji mundësi e mirë me e kursy kohën përgjatë mëngjeseve, pa pasë nevojë me hjekë dorë prej super-shujtave. Biles, me 1 potez mundesh 6 veta me i ngi – ku po don ma mirë?
PËRBËRËSIT (servimi për 6):
10 ve
2 brokolli (t’prera n’copa)
2 lugë gjelle vaj ullini
¼ gotë qumësht
1 lugë çaji kripë
½ lugë çaji biber i zi
1 lugë çaji qepë pluhun
100 gr djathë rikota
50 gr parmezan (i grirë)
50 gr kashkavall (i grirë)
1/4 tufë magdanozi (i grirë)
HAPI 1:
Fillimisht nxeje furrën n’200 C. Merre nji tepsi, lyje me brushë me vaj ullini n’t’tana anët dhe shpërndaji copëzat e brokollit sipër.
Mundesh me e lexu edhe…
HAPI 2:
N’blender shto vezët, erëzat, rikotën dhe parmezanin e bluje masën mirë. Shtoja magdanozin krejt n’fund e përzije masën për 10 sekonda.
HAPI 3:
Shto miksin e vezëve n’tepsinë me brokolli.
HAPI 4:
Sipër tepsisë t’mbulume me brokolli dhe vezë t’rrahuna shto kashkavallin e grirë dhe shtine tepsinë n’furrë. Ule temperaturën e furrës nga 200 C n’150 C dhe leje omletin me u pjekë për 15-20 minuta.
HAPI 5:
Largoje tepsinë prej furrës dhe leje me u ftohë për 5-8 minuta. Preje me thikë dhe me spatullë gërryje omletin prej tepsisë. Servo!
REZULTATI:
Servoje omletin me brokolli me pak fruta t’freskëta dhe pak rriska buke, ose shijoje këtë shujtë me 1 prej 5 smoothie-ve t’verdha t’cilat çdokush DUHET me i provu.
E nëse je n’kërkim t’recetave fantastike e interesante t’mëngjesit, mos e le pa e provu edhe omletin e mbështjellun me perime – omlet ky ideal me e marrë edhe n’punë për pauzë me vehte. Ti poashtu mundesh me nisë mëngjesin me 1 prej 3 rekomandimeve t’tona për mëngjes t’mirë. Kurse për ditët kur don me përgatitë diçka qoftë për me hangër aty për aty, apo me e marrë me vehte për pauzë, mos e le pa e provu sanduiçin tonë italian me pesto dhe mocarellë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
