OpenAI ka publikuar Sora 2, një përditësim madhor të modelit të saj për gjenerimin e videove, së bashku me një aplikacion të ri që kombinon inteligjencën gjenerative me videot e shkurtra.
Përshkruar si “momenti GPT-3.5 për video”, Sora 2 sjell realizëm më të mprehtë, fizikë më të saktë dhe sinkronizim të plotë mes efekteve zanore dhe dialogut – duke adresuar mangësitë e versioneve të mëparshme.
Me këtë hap, OpenAI hyn drejtpërdrejt në tregun e përmbajtjes për konsumatorë.
Mundesh me e lexu edhe…
Aplikacioni i ri, i qasshëm vetëm me ftesë për iOS, ofron një përvojë të ngjashme me TikTok, por me një dallim të madh: çdo video është e gjeneruar nga inteligjenca artificiale.
Një nga veçoritë kryesore është Cameo, e cila u lejon përdoruesve të futin portretin e tyre të verifikuar në video – përfshirë edhe ato të krijuara nga miqtë – duke ruajtur kontrollin mbi mënyrën se si shfaqen në klipet e gjeneruara.
Sora 2 ofron një version falas me kufizime, ndërsa abonentët e ChatGPT Pro kanë qasje në një model më të avancuar “Pro”.
Aplikacioni po publikohet fillimisht në SHBA dhe Kanada, me plane për t’u zgjeruar globalisht.
Ftesat për qasje dërgohen përmes faqes Sora.com, ndërsa detaje shtesë mund të gjenden në faqen zyrtare të OpenAI. /AP/Katror.info
