Opera e Kosovës sonte do të organizojë koncertin në Paris të Francës, si kremtim për 25-vjetorin e çlirimit të vendit.
“Opera e Kosovës do të realizojë një koncert të veçantë në Paris, ku do të marrin pjesë artistë të njohur nga Kosova. Mbi 20 solistë vokalë dhe instrumentalë do të sjellin performancat e tyre të shkëlqyera bazuar në literaturën e kompozitorëve shqiptarë, për të festuar 25-vjetorin e çlirimit të Kosovës”, thuhet në njoftim.
Në Théâtre du Gymnase Marie-Bell sonte do të dëgjohen vepra nga Çesk Zadeja, Isak Shehu, Pjetër Gaci, Muharrem Xhediku, Avni Mula, Rafet Rudi, Palok Kurti, Tonin Harapi, Valton Beqiri, Feim Ibrahimi, Rexho Mulliqi, Pranvera Badivuku e Rauf Dhomi.
Mundesh me e lexu edhe...
Nga veprat e kompozitorëve të huaj do të prezantohen ato nga Charles Gounod, Franz Lehar, Leo Delibes.
Ky koncert po realizohet falë bashkëpunimit të Ministrisë së Kulturës, Rinisë dhe Sportit, Ministrisë së Punëve të Jashtme dhe Ambasadës së Republikës së Kosovës në Paris, Francë./Katror.info
Përgatiti:
