Është shfaqur premiera e operës së parë kosovare “Goca e Kaçanikut” nga kompozitori Rauf Dhomi, në Prishtinë.
Pas krijimit të saj më shumë se gjysmë shekulli më parë, ‘Goca e Kaçanikut’ doli në skenë për herë të parë në Prishtinë, gjë që bëri që të cilësohet edhe si moment historik.
Ministri i Kulturës, Rinisë dhe Spçortit, Hajrullah Çeku, tha se kjo operë dhuroi emocione të fuqishme për publikun.
Mundesh me e lexu edhe...
”Opera e parë kosovare “Goca e Kaçanikut” me kompozitor Rauf Dhomin, u shfaq sonte për herë të parë në Kosovë pas krijimit të saj më shumë se gjysmë shekulli më parë. Opera e Kosovës në bashkëpunim me Baletin Kombëtar të Kosovës dhe solistët, në regjinë e Nikolin Gurakuqit dhe nën drejtimin e Edon Ramadanit dhuruan emocione të fuqishme sonte për publikun”, ka shkruar ai në Facebook.
Në këtë vepër bëhet fjalë për luftën kundër pushtuesve osmanë në anën e Kaçanikut dhe dashurinë e dy të rinjve: Trimorit dhe Pafikës. Këta dy ëndërrojnë për një jetë të lirë dhe të lumtur. Mirëpo tradhtari Rus Bashi i pengon, duke e akuzuar Trimorin për tradhti.
Trimori burgoset, kurse Rus Bashi tenton ta rrëmbejë Pafikën. Në ndërkohë shokët e lirojnë Trimorin.
Në momentin kur Rus Bashi e sulmon Pafikën, paraqitet Trimori, ndërsa Pafika arrin ta vrasë tradhtarin. Të gëzuar, të gjithë i këndojnë lirisë e dashurisë në fund.
Ndërkohë për këtë premierë historike ka shkruar edhe Kryeministri Albin Kurti.
Këtë operë nën dirigjimin e Edon Ramadanit, Kurti e cilësoi si bashkim të kapacitetetit artistik të Kosovës, Maqedonisë së Veriut dhe Shqipërisë, për të sjellur në jetë tingujt e krijuar mbi motivet e novelës së Milto Sotir Gurrës me të njëjtin emër. “Goca e Kaçanikut” pas më shumë se 53 vitë që kur është shkruar për tu vën në premierë më 1979 në Tiranë. /Katror.info
Përgatiti:
