Presidentja Vjosa Osmani do të organizojë sot ceremoninë e dorëzimit të flamurit për ekipin olimpik të Kosovës.
Ky ekip do të udhëtojë këtë muaj në Paris të Francës ku do të zhvillohet edicioni i radhës i Lojërave Olimpike, shkruan Klankosova.tv.
Këto lojëra do të fillojnë më 26 korrik dhe do të vijojnë deri më 11 gusht.
Mundesh me e lexu edhe...
Komiteti Olimpik i Kosovës e ka publikuar listën prej nëntë sportistëve për Lojërat Olimpike “Paris 2024” të cilat do të mbahen nga 26 korriku deri më 11 gusht në Francë.
Nga nëntë sportistë, gjashtë janë kualifikuar direkt, ku pesë janë nga xhudo dhe një nga boksi, kurse tre sportistë do të marrin pjesë me ftesë të univerzalitetit, dy nga noti dhe një nga atletika.
Listës i prijnë kampionet olimpike, xhudistet Distria Krasniqi e Nora Gjakova, pastaj tre xhudistët tjerë, Laura Fazliu, Akil Gjakova e Loriana Kuka, ndërsa boksin do ta përfaqësojë Donjeta Sadiku, derisa atletikën Gresa Bakraqi.
Bëhet e ditur se Hana Beiqi dhe Adell Saboviq janë emrat e fundit që i janë shtuar sot listës, kurse prezantimi i ekipit do të bëhet më 15 korrik 2024./Katror.info
Përgatiti:
