DokuFest, festivali ndërkombëtar i filmit dokumentar dhe të shkurtër fillon sot në orën 20:00 në qytetin e bukur të Prizrenit, duke vazhduar traditën e mbajtjes së tij në fillim të gushtit.
Ekipi i DokuFest fton adhuruesit e kinematografisë që të rrugëtojnë gjatë këtyre ditëve me gjallërinë që ky festival i jep qytetit të vjetër.
“Ndërsa dielli perëndon, ekranet tona ndizen! DokuKino Plato dhe Kinema Sonar hapin dyert në orën 20:00, ndërsa Kino Lumi dhe Kinema Lunar pasojnë në orën 20:30. Pra, përgatituni për një mbrëmje të mbushur me histori magjepsëse dhe pamje të fuqishme,” thuhet në njoftimin e DokuFest.
Mundesh me e lexu edhe...
Sonte prezantohen filma nga tre kategori konkurruese: Truth Dox, Human Rights Dox dhe Green Dox. Por, do të ketë diçka edhe nga programi View From The World.
“Çdo film premton t’ju sfidojë, frymëzojë dhe magjepsë,” premtojnë organizatorët.
Për bileta, suvenire dhe më shumë, mund t’i gjeni në DokuShop-in që ndodhet në Key.
Megjithatë, biletat mund t’i blini edhe online, përveç nëse preferoni ndjesinë e bukurisë tradicionale të atyre të printuara.
DokuFest ju njofton se nata nuk përfundon me shfaqjen e fundit.
“Pra, mos harroni të shkoni në Lumbardhi Bahçe në orën 23:00 për DokuNights, ku AÏSHA DEVI do të elektrizojë skenën. Ju premtojmë se performanca do ta bëjë natën tuaj të paharrueshme!,” thonë organizatorët e Festivalit.
E për të dikutuar për filma, ju mund të shkoni në DokuCaffe, një vend i përsosur për t’u bashkuar, për të biseduar dhe për të krijuar rrjet me miqtë – adhurues filmash.
Nëse jeni kurioz për formacionin e sotëm dhe të ardhshëm ju mund ta eksploroni orarin e plotë në faqen e internetit dhe zgjidhni ngjarjet që nuk dëshironi të humbisni.
“E fundit por jo më pak e! DokuFest 2024 është një udhëtim! Ju ftojmë të përgatiteni për një përvojë të pashembullt që do t’ju kënaqë dhe frymëzojë. Pra, na ndiqni në rrjetet sociale @dokufest për përditësime në kohë reale dhe ndajeni përvojën tuaj me të tjerët duke përdorur hashtag-un tonë #dokufest2024!,” thuhet në njoftim.
Bota mblidhet në qytetin historik për nëntë ditë e njeriu bëhet një me të. Sivjet për “Rendin e ri”. /Katror.info
Përgatiti:
