Kardinali Robert Prevost është zgjedhur Papa – duke hyrë në histori si papa i parë nga Amerika e Veriut. Ai tani do të njihet me emrin “Papa Leo XIV”.
I lindur në Çikago, Prevost ka kaluar mbi 30 vjet si misionar në Peru, ku më vonë u bë edhe ipeshkëv. Në vitin 2015 mori nënshtetësinë peruviane dhe njihet si një figurë që e kupton thellësisht Amerikën Latine, një rajon kyç për Kishën Katolike, shkruan The Telegraph, përcjell Katror.info.
Edhe pse amerikan, ai shihet si një nga kardinalët më pak “amerikanë”, çka e bën atë figurë të balancuar në skenën globale. Njihet si reformator në frymën e Papa Françeskut dhe ka mbështetur përfshirjen e grave në vendimmarrje brenda Vatikanit – përfshirë vendosjen e tre grave në trupin që propozon emrat e ipeshkvinjve.
Mundesh me e lexu edhe…
Pas shërbimit në Peru, Papa Françesku e emëroi në Romë si kreun e Dikasterit për Ipeshkvinjtë në vitin 2023 – një nga pozitat më me ndikim në Vatikan.
Prevost është 69 vjeç – mjaft më i ri se shumica e paraardhësve të tij – dhe për këtë arsye kishte dyshime nëse do të zgjidhej, për shkak të një pontifikati që mund të zgjasë shumë./Katror.info
