Llogaria zyrtare në Instagram e Papa Leo XIII ka shënuar një rekord të jashtëzakonshëm, duke mbledhur pothuajse 12 milionë ndjekës brenda vetëm 24 orësh nga hapja, shkruan Katror.info
Pavarësisht numrit të madh të ndjekësve, në profil janë publikuar deri tani vetëm disa fotografi të shpërndara nga momenti i shpalljes së tij si Papë, të realizuara kryesisht në Sheshin e Shën Pjetrit në Vatikan.
Në përshëndetjen e tij të parë, Papa Leo XIII përcolli një mesazh paqeje dhe shprese, të përkthyer në disa gjuhë:
“Paqe për të gjithë ju! Ky është përshëndetja e parë nga Krishti i Ngjallur, Bariu i Mirë. Do të doja që kjo përshëndetje paqeje të jehojë në zemrat tuaja, në familjet tuaja dhe midis të gjithë njerëzve, kudo që të jeni, në çdo komb dhe në të gjithë botën.”
Mundesh me e lexu edhe…
Mesazhi është pritur me entuziazëm nga ndjekësit, ndërsa rrjetet sociale janë përfshirë nga diskutime dhe urime për Papën e ri, i cili tashmë po shihet si një figurë që synon të afrojë besimtarët përmes mjeteve moderne të komunikimit./Katror.info
