Gjatë kësaj jave, vendi do të ndikohet nga masa ajrore të paqëndrueshme me origjinë perëndimore dhe veriperëndimore, të cilat do të sjellin mot të ndryshueshëm dhe reshje atmosferike.
Në zonat e ulëta parashikohen reshje shiu me intensitet mesatar deri të lartë, ndërsa në zonat malore mbi 1500 metra mbi nivelin e detit priten reshje të përziera shiu dhe bore. Këto kushte do të shoqërohen me erëra të forta jugperëndimore, ulje të përkohshme të temperaturave dhe rritje të lagështisë në ajër.
Nga dita e enjte pritet përmirësim gradual i motit, me intervale me diell dhe rritje të lehtë të temperaturave. Në fundjavë moti do të jetë më i qëndrueshëm dhe i përshtatshëm për aktivitete në natyrë dhe bujqësi.
Mundesh me e lexu edhe…
Të hënën moti do të jetë kryesisht i vranët me riga shiu, temperaturat minimale do të lëvizin nga 5 deri 7 gradë Celsius, ndërsa ato maksimale nga 8 deri 11 gradë.
Të martën dhe të mërkurën moti mbetet i vranët me reshje shiu, temperaturat do të sillen ndërmjet 3 dhe 7 gradë Celsius në mëngjes, ndërsa gjatë ditës ndërmjet 6 dhe 11 gradë.
Të enjten moti do të jetë më i kthjellët me vranësira të herëpashershme dhe rritje të ndjeshme të temperaturave, të cilat do të shkojnë nga 1–4 gradë në mëngjes dhe deri në 16 gradë gjatë ditës.
Të premten moti parashihet me diell dhe vranësira të shpërndara, temperaturat minimale do të jenë nga 3 deri 6 gradë, ndërsa ato maksimale nga 13 deri 18 gradë Celsius.
Era do të jetë e lehtë deri mesatare, kryesisht nga veriperëndimi dhe verilindja./Katror.info
