Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Patatet e pjekuna n’furrë me sos beshamelli janë pikërisht nji prej recetave ma t’thjeshta e t’lehta me u përgatitë, e që munden me u kombinu lehtësisht me çdo kombinim mishi a perimesh tjera t’përgatituna. Thjeshtë, mirë dhe me pak përbërës, kjo tavë s’ka qysh dështon.
PËRBËRËSIT:
2 kg patate t’reja (t’prera n’rriska)
2 qepë t’kuqe (t’grira imët)
250 gr kashkavall (i grirë)
70 gr parmezan (i grirë)
2 lugë gjelle miell
1 lugë gjelle gjalpë
1 e 1/2 gotë qumësht
1 lugë e mesme kripë
HAPI 1:
N’tenxhere shto gjalpin dhe leje meu shkri. Shto tepët e grira imët dhe kavërdisi për 5 minuta. Shto miellin dhe përzije masën për 2 minuta, pastaj shto qumështin, trumëzën dhe kripën e leje sosin me u trashë mirë.
Mundesh me e lexu edhe…
HAPI 2:
Renditi rriskat e patateve n’tepsi sipër njana tjetrës. Shto beshamellin dhe kashkavallin sipër.
HAPI 3:
Shto edhe parmezanin dhe vendose tepsinë n’furrë t’nxehtë paraprakish n’200 C për 40-45 minuta – deri sa sipërfaqja t’merr ngjyrë t’artë. Largo tepsinë dhe servo.
REZULTATI:
Patatet mundesh me i servu me salmon t’pjekun me hudhër dhe erëza, me pulë me marinadë greke, apo me qofte pule, e besa mundesh edhe me ua bashkangjitë nji krem sallatë me kastraveca, ose sallatën virale “Shirazi” anash.
E meqë veç u përmendën sallatat, mos e le pa i provu edhe sallatën krokante me qiqra. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
