Partia Demokratike e Kosovës (PDK) organizon sot Konventën e saj të 12-të Zgjedhore në Prishtinë, me fillim nga ora 16:30. Ky aktivitet vjen pas dorëheqjes së kryetarit aktual, Memli Krasniqi, i cili pak ditë më parë njoftoi largimin nga posti, duke e konsideruar këtë hap një shprehje të pjekurisë politike dhe forcës së brendshme të partisë.
Në konferencën për media, Krasniqi falënderoi qytetarët, aktivistët, bashkëpunëtorët dhe familjen për mbështetjen gjatë viteve, duke u shprehur mirënjohje dhe reflektim për periudhën që la pas.
Bedri Hamza ka shpallur zyrtarisht kandidaturën për kryetar të PDK-së, duke theksuar se partia ka potencialin të unifikohet, reformohet dhe të rikthehet si forcë kryesore politike në vend. Në një postim në Facebook, Hamza u shpreh se tashmë është momenti për një PDK të bashkuar dhe të fokusuar në zhvillimin e vendit.
Mundesh me e lexu edhe...
Megjithatë, anëtari i Kryesisë së PDK-së, Enver Hoxhaj, ka deklaruar se Konventa e caktuar për të hënën duhet të shtyhet, duke hapur kështu një debat brenda partisë për datën e mbajtjes së zgjedhjeve për kryetar.
Situata mbetet në zhvillim, ndërsa sot pritet të shihet se si do të rrjedhin proceset brenda PDK-së./Katror.info
