Komiteti për Politikë të Jashtme i Parlamentit Evropian ka miratuar dje draft-rezolutën për Kosovën, në të cilën, ndër të tjera, kërkohet heqja e menjëhershme e masave të BE-së kundër Kosovës, shkruan Katror.info.
Deputetja britanike Alicia Kearns e ka cilësuar këtë hap si një lajm të vonuar, por jashtëzakonisht të mirëpritur. Ajo ka shkruar në platformën ‘X’: “Lajm i vonuar dhe jashtëzakonisht i mirëpritur – ekuilibri duhet të kthehet në botë, dhe veçanërisht në qasjen e BE-së ndaj Ballkanit. Shpresoj që këto thirrje të merren parasysh.”
Riho Terras, raportuesi i Parlamentit Evropian për Kosovën, ka theksuar se vendi i Kosovës është në BE, duke përforcuar kërkesën për përfshirjen e Kosovës në Bashkimin Evropian.
Mundesh me e lexu edhe…
Në këtë dokument, gjithashtu mbështetet aplikimi i Kosovës për anëtarësim në BE, duke u bërë thirrje shteteve anëtare që ende nuk e kanë njohur Kosovën, ta bëjnë një gjë të tillë pa vonesa të tjera.
Po ashtu, Parlamenti Evropian mbështet kërkesën e Kosovës për anëtarësim në Këshillin e Evropës dhe planin për t’iu bashkuar programit të Partneritetit për Paqe të NATO-s. Pas miratimit në Komitetin për Politikë të Jashtme, ky dokument do të votohet në seancën plenare të Parlamentit Evropian gjatë muajve të verës, ku do të marrë edhe versionin përfundimtar të Rezolutës./Katror.info
Përgatiti:
