Peaky Blinders do të vazhdojë përtej filmit të ardhshëm, thotë krijuesi Steven Knight, duke ndezur thashetheme për një mundësi të një seriali të ri.
Duke folur në BBC Breakfast të martën, ai tha se puna deri tani për filmin duket “fantastike” dhe do të jetë “një mënyrë shumë e përshtatshme për të mbyllur këtë pjesë të historisë së Peaky-t.”
Kur u pyet për atë që kishte dashur të thoshte me ‘këtë pjesë’ nga prezantuesit Jon Kay dhe Sarah Campbell, “Nuk ka përfunduar, le të e themi kështu. Nuk kam leje ta zbuloj, por thjesht po them që universi i Peaky-t do të vazhdojë”, shtoi ai.
Mundesh me e lexu edhe...
Shkrimtari dhe producenti po merrte pjesë në shfaqjen për të promovuar dramën e tij të re historike në Disney+, A Thousand Blows, me Stephen Graham në rolin kryesor.
Seriali i suksesshëm i BBC-së Peaky Blinders, i cili ka fituar çmime Bafta, ka pasur gjashtë sezone nga viti 2013 deri në vitin 2022, ndërsa filmi i ardhshëm në Netflix do të vazhdojë historinë e Tommy Shelby dhe bandës së tij në Birmingham.
Filmi do të sjellë Cillian Murphy, fitues i çmimit Oscar, që do të rikthehet në rolin e tij kryesor, bashkë me një kast aktorësh të njohur, përfshirë Graham, Sophie Rundle, Ned Dennehy, Packy Lee dhe Ian Peck; si dhe Rebecca Ferguson, Tim Roth, Jay Lycurgo dhe Barry Keoghan.
“Besojuar se kemi aktorët më të mirë britanikë të grumbulluar në një vend, përfshirë Stephen,” theksoi Knight./Katror.info
Përgatiti:
