Për dashamirësit e muzikës jazz, jemi të lumtur t’ju njoftojmë se ‘Peja Jazz’ po rikthehet për edicionin e tretë!
Me një program fantastik të kuruar nga Dardan Selimaj, ky edicion do të mbahet prej 5 deri më 8 nëntor në Kinema “Jusuf Gërvalla”.
Organizatorët kanë njoftuar se Elina Duni dhe Rob Luft do të rikthehen në Kosovë për këtë edicion, duke performuar në datën 5 nëntor. Me një program bashkëkohor me burim nga hapësira, dëshira dhe improvizime të aty për atyshme, dyshja ikonike ju presin në Kinemanë Jusuf Gervalla për një performancë magjike.
Mundesh me e lexu edhe…
Kurse me 6 nëntor, do të performojë Ana Carla Maza. Me një univers muzikor të gjithanshëm që bashkon xhazin, muzikën klasike dhe ngjyrat e Amerikës Latine, performanca nga artistja e mrekullueshme e lindur në Kuba, nuk duhet të humbet.
Edhe artistja shumë e dashur për publikun, Rona Nishliu i bashkohen edicionit të tretë të Peja Jazz ne 7 nëntor. Me një zë magjepsës dhe performancë të klasit botëror, sallat e Kinema “Jusuf Gervalla” do të jehojnë nga tingujt madhështor të muzikës jazz.
Organizatorët kanë bërë me dije se performuesit tjerë do të bëhen të ditur në ditët në vijim në rrjetet e tyre sociale. Katror.info do të ju mbajë të informuar rreth këtij eventi.
Përgatiti:
