A je merakli/ke e pastave, por t’u kanë ba pakëz bajat recetat e rëndomta? A je n’kërkim t’ushqimeve t’lehta, plot shije, por që ta ofrojnë edhe nji farë freskie – atë ndjenj “Taze”; fresh kishin me thanë amerikanët? Qe ku na ke neve për me t’furnizu me ide e receta t’shijshme. E n’qoftë se ende ju t’u e mendu emrin e drekës a darkës, leja emrin e recetës t’sotme.
Pasta verore asht receta që t’duhet me e shty verën n’mënyrën ma t’shijshme e ma verore t’mundshme, meqë kjo recetë definitivisht i duhet stinës ma t’nxehtë t’vitit dhe organizmit tonë, veçanarisht tash kur lukthit nuk ja don me e ngarku me ushqime ma t’randa. E krejt këtë super recetë mundesh me e përgatitë brenda 15 minutave n’total, t’u i ndjekë 5 hapat tanë
PËRBËRËSIT (servimi për 4):
1 paketim pasta (Penne)
2 lugë gjelle vaj ullini
1 kungulleshë e njomë (e prerë n’copë)
1 kungulleshë e verdhë (e prerë n’copë)
1 karotë (e prerë n’rriska)
1/2 qepë e kuqe (e prerë n’fije)
60 gr bizele t’ngrira
120 gr tomatina (t’prera n’mes)
3 thelpinj hudhre (t’grira imët)
80 gr parmezan (i grirë)
1 lugë gjelle oregano
1 lugë e mesme kripë
1 lugë e mesme biber i zi
2 lugë gjelle lang limoni
2 lugë gjelle gjalpë
HAPI 1:
N’tenxhere me ujë t’vluar me kripë ziji makaronat për 10 minuta. Kullo makaronat dhe ruje 2/3 e gotës me ujë pastash për sos.
Mundesh me e lexu edhe…
HAPI 2:
Paralelisht me zierjen e makaronave, n’tigan t’thellë shto vajin e ullinit dhe kavërdisi perimet me erëza për 10 minuta.
HAPI 3:
Shto langun e limonit dhe shto gjalpin dhe përzije masën mirë.
HAPI 4:
Pasi t’jetë shkri gjalpi, shto parmezanin e girrë sipër perimeve, shto pastat e kulluara bashk me ujin e ndarë t’pastave dhe ziji pastat për 2 minuta.
HAPI 5:
Përziji pastat vazhdimisht deri sa t’shterron pak uji i pastave dhe t’trashet prej parmezanit. Servo!
REZULTATI:
Servo pastat me pak parmezan t’grirë imët sipër po deshe. Shijoje këtë pjatë me nji gotë verë t’bardhë e kënaqu krejt. Madje, nëse t’teprojnë pasta mundesh lirisht me i marrë edhe t’nesërmen n’punë për pauzë – mjafton me i ru n’kuti t’xhamit n’frigorifer e me i nxe para përdorimit. E nëse je n’kërkim t’recetave t’reja për pasta, n’veçanti ato me shije freskuese e pranverore, atëherë provo me i gatu edhe pastat me sos limoni dhe bizele.
Ne gjithashtu ta rekomandojmë me i përgatitë pastat kremoze me domate dhe spinaq, ose shpagetat vegjetariane dhe me i shoqnu ato me sallatë lebaneze t’lakrës. Ndërkaq recetë jo tipike t’pastave dhe definitivisht ma interesante n’shije, patjetër që ja lenë me kërku supën kremoze me tortellini. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
