Nuk don diskutim që vera nuk asht verë pa bostan, pjepën dhe fruta t’freskëta, poaq sa nuk don diskutim që gjatë kësaj stine shkon me konsumu edhe ma shumë perime e sallata – meqë vet organizmi lypë me hangër diçka ma t’lehtë e ma t’tretshme.
Ndreçja vehtës dhe tjerëve drekat e darkat verore me nji sallatë interesante dhe freskuese sikurse asht sallata e bostanit me djathë feta – sallatë kjo që nuk t’merr as shumë kohë e as harxh për me u përgatitë, por që shijon jashtëzakonisht shumë.
PËRBËRËSIT (servimi për 2):
1/2 bostan (i prerë n’kube mesatare)
100 gr djathë feta (i imtësum)
1 kastravec (I prerë n’rrsika gjysmake)
1/2 qepë e kuqe (e prerë n’fije)
2 lugë gjelle vaj ullini
2 lugë gjelle lang limoni
1 lugë gjelle mjaltë
1 grusht mente (e grirë)
PËRGATITJA:
Shto bostanin, perimet dhe djathin n’pjatë t’thellë, kurse përbërësit e tjerë krijoji n’formë dressingu e shtoja sallatës bashk me gjethet e grira t’mentes. Përzije mirë dhe leje sallatën me u ftohë për 15-30 minuta e servo,.
REZULTATI:
Kjo sallatë asht ideale me u servu si pjatë shoqnuese e drekave e darkave ku servohet mish dhe perime n’skarë, e poashtu i shkon shumë edhe pjatave t’ndryshme me fruta t’detit, sikurse asht pjata e karkalecave me hudhër dhe limon.
Ngjashëm sikurse këtë sallatë freskuese, ne ta rekomandojmë që ditët verore me i shoqnu edhe me sallata sikurse asht “Waldorf” sallata (sallata krokante me kokrra rrushi), apo edhe sallata e përzier me super-zarzevate. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
