Kur bahet fjalë për receta t’mira e t’shijshme, recetat tona e kanë dëshmu tashma që shijet inovative me përbërës interesant duhet me u provu t’paktën 1 herë që me u gjyku mandej. Kështu ne vazhdimisht përpiqemi me identifiku pjata interesante e që lehtësisht mundesh me i përgatitë, pa pasë nevojë me kalu shumë kohë n’kuzhinë.
Pjata e karkalecave me hudhër dhe limon asht prej atyne recetave klasike t’përgatitjes t’frutave t’detit, n’veçanti karkalecave që ta hjekë nostalgjinë për ushqimet e deti. E çka asht ma e mira, ky kombinim mundet me u shoqnu lehtësisht si starter i cilitdo vakt, por edhe me u servu me pasta, rizoto e pse jo edhe brusketa. Mjafton me i ndjekë udhëzimet tona.
PËRBËRËSIT:
700 gr karkaleca (t’pastrum)
½ lugë çaji kripë
½ lugë çaji biber i zi
½ lugë çaji biber i kuq
2 lugë gjelle gjalpë
1 lugë gjelle vaj ullini
4 thelpinj hudhra (t’grirai mët)
¼ lugë çaji biber me fara speci
Langu dhe lëvorja e 1 limoni (Lëvorja e grirë imët)
2 lugë gjelle magdanoz (i grirë)
Mundesh me e lexu edhe…
HAPI 1:
Sigurohu që karkalecat janë pastru mirë dhe largo ujin e tepërt me pallomë. Shto biberin e zi, biberin e kuq dhe kripën dhe përziji mirë e leji me qëndru me erëza për 5 minuta.
- Advertisement -
HAPI 2:
N’ndërkohë që karkalecat marinohen, n’tigan shto gjalpin, hudhrën dhe biberin e kuq e kavërdise masën për 1 minut, pastaj shto karkalecat.
HAPI 3:
Kavërdisi karkalecat për 3-5 minuta n’temperaturë t’naltë dhe përziji vazhdimisht. Shto langun e limonit bashk me lëvoren e imtësume, jepja nji t’përzime karkalecave dhe servo.
- Advertisement -
REZULTATI:
Për ekstra shije shtoji pjatës me karkaleca gjethe t’grimëcume t’magdanozit dhe rriska shtesq limoni e servoji qoftë si paragjellë, qoftë si përbërës shtesë për tacos ose shpageta.
Nëse veç vendos me i përgatitë karkalecat me hudhër dhe limon e i kombinon me pasta, atëherë mos e le pa ja shtu tryezës tande edhe sallatën e përzier me zarzevate – sallatë kjo që sa e freskët e plot vlera ushqyese, aq edhe e mbushun me super-shije.
Kurse nëse t’pëlqejnë frutat e detit dhe je n’kërkim t’recetave interesante, atëherë kukkusi mediteran me karkaleca dhe salsa me avokado dhe karkaleca janë pjata t’cilat definitivisht t’i rekomandojmë me i provu. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
