Më 9 dhe 10 gusht, Central Park në Prishtinë u shndërrua në arenë të basketbollit rrugor, duke mirëpritur edicionin e veçantë “3×3 Central Park Edition”. Eventi, i organizuar nga Federata e Basketbollit e Kosovës (FBK) në bashkëpunim me partnerë lokalë, mblodhi lojtarë të talentuar, adhurues të sportit dhe dashamirës të energjisë së 3×3-shit.
Në gjysmëfinale, ekipi Undrafted mposhti Prishtinën, ndërsa 0402 triumfoi ndaj Swish, duke siguruar një finale emocionuese. Në ndeshjen vendimtare, Undrafted fitoi ndaj 0402 me rezultatin 16:13, duke kurorëzuar veten si kampion i këtij edicioni.
Përveç dueleve të forta në fushë, publiku shijoi edhe garën e “3-pointshit”, ku Elliot Peci u shpall fitues. Ngjarja u karakterizua nga atmosferë elektrizuese, përplot adrenalinë dhe momente që do të mbahen mend gjatë nga pjesëmarrësit dhe shikuesit.
Mundesh me e lexu edhe…
Organizatorët falënderuan sponsorët dhe komunitetin për mbështetjen, duke premtuar edicione edhe më madhështore në të ardhmen.
